Lonavala News| अंधश्रद्धेचा कळस, स्मशानभूमीतील हे दृश्य बघून सगळेच गेले चक्रावून

अंधश्रद्धेचा कळस, स्मशानभूमीतील हे दृश्य बघून सगळेच गेले चक्रावून
Lonavala News| अंधश्रद्धेचा कळस, स्मशानभूमीतील हे दृश्य बघून सगळेच गेले चक्रावून
Lonavala NewsSaam tv

मावळ : जग आधुनिकतेकडे वाटचाल करत असले तरी ग्रामीण भागातील अंधश्रद्धा अद्याप देखील कमी होताना दिसत नाही. आपल्या आजुबाजुला अथवा आपल्याबाबत काही चांगले वाईट घडले की, त्याला अंधश्रद्धेची जोड दिली जाते. याचाच (Maval) फायदा काही भोंदू मंडळी घेत असतात. असाच प्रकार वाकसई गावाच्या वैकुंठ स्मशानभूमीत पहावयास मिळाला. लिंबावर गुलाल, टाचणी टोचलेले लिंबू टोपलीत होते. हा प्रकार पाहून ग्रामस्‍थ भयभीत झाले आहेत. (maval lonavala news superstition seeing this scene in the cemetery)

Lonavala News
सरकार वाचावे यासाठी आघाडीतील नेत्यांचे प्रयत्नच नाही; अनिल गोटे यांचा घणाघाती आरोप

काही भोंदूबाबा तुमच्याबाबत घडणार्‍या घटनांना हे जबाबदार आहे, ते जबाबदार आहे असे सांगत समोरील व्यक्तीचा विश्वास संपादित करत मंग भरमसाट पैसे उकळले जातात. अनेक वेळा असे प्रकार उघड झालेले असताना देखील नागरिकांवरील अंधश्रद्धेचा आणि बुवाबाजीचा पडगा कमी होताना दिसत नाही. लोणावळ्यात (Lonavala) संत तुकाराम महाराज यांचे पादुकास्थान असलेल्या मंदिरासमोरील वाकसई गावाच्या वैकुंठ स्मशानभूमीत असाच एक प्रकार ग्रामस्तांना पहायला मिळाला आहे. काही ग्रामस्त एका सहामासी कार्यक्रमासाठी स्मशानभूमीत गेले असताना त्याठिकाणी पाटीभरून लिंब पहायला मिळाली. काही लिंब कापलेली होती. त्यामध्ये गुलाल, अबिर भरलेला होता. काही पिना, टाचण्या, नारळ, अन्य काही फळे ठेवण्यात आलेली होती. हा सर्व प्रकार पाहून ग्रामस्त देखील भयभित झाले आहेत.

काही महिन्‍यांपुर्वीही झाला असा प्रकार

मागील काळात देखील या स्मशानभूमीत असे प्रकार घडले होते. आजचा प्रकार मात्र फार भयंकर व मोठा असल्याचे ग्रामस्तांनी सांगितले. पोलीस प्रशासनाने तसेच (Anis) अंधश्रद्धा निर्मूलन समितीने याबाबतची चौकशी करावी; अशी विनंती केली आहे. मात्र सरपंच पोलिस पाटील यांनाही विश्वासात घेऊन त्यांनाही मार्गदर्शन करण्याची गरज असल्याचे अंनिसचे कार्यकर्ते मिलिंद देशमुख यांनी वेक्त केली आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com