मावळ : सोमाटने टोल नाका बंद करण्याबाबत टोल हटाव कृती समितीच्‍यावतीने आंदोलन सुरू आहे. या आंदोलनानंतर देखील (Maval) अद्याप निर्णय झालेला नाही. या संदर्भात २६ मार्चला बैठक होणार असून तोपर्यंत टोल (Toll) माफ करण्याचे आदेश दिले आहेत. (Live Marathi News)
सोमाटने टोल नाका हटविण्यासाठी बेमुदत उपोषण सुरू होते. आज आंदोलनकर्त्यांनी सोमाटने टोल नाक्यावर येत आक्रमक भूमिका घेतली. आंदोलनकर्त्यांना पाठिंबा देण्यासाठी मावळच्या कानाकोपऱ्यातून अनेक सर्व सामान्य नागरिक जमले होते. त्यानंतर आता भाजपचे मंत्री रवींद्र चव्हाण यांनी सर्व प्रवासी वाहतूक विनामूल्य सोडण्याचे आदेश आयआरबी आणि टोल प्रशासनाला दिले आहेत. २६ मार्चला अधिवेशन संपल्यानंतर मुख्यमंत्री, उपमुख्यमंत्री यांच्या समवेत सोमाटने टोल हटाव कृती समिती बरोबर बैठक घेण्यात येणार आहे. तोपर्यंत सोमाटने टोल नाक्यावर (Toll Plaza) प्रवासी वाहतूक करणाऱ्याकडून टोल न घेण्याचे आदेश देण्यात आले आहेत.
तर हिंसक मार्गाने आंदोलन
दरम्यान मंत्री महोदयांच्या उपस्थितीत तात्पुरते उपोषण बंद करण्यात आले. मात्र बैठकीनंतरच हा टोल नाका बंद होणार की नाही? याबाबत निर्णय होणार आहे. मात्र हा टोल नाका बंद झाला नाही; तर हिंसक मार्गाने आंदोलनाचा इशारा आंदोलनकर्त्यांकडून देण्यात आला आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
