अजय दुधाणे, बदलापूर
Badalapur: बदलापूर शहरात एका भरधाव मर्सिडिजने फेरीवाल्याने उडवल्याची खळबळजनक घटना समोर आली आहे. बदलापूर पश्चिमेच्या रेल्वे स्थानकाबाहेर दुपारी ही घटना घडली आहे. या भीषण अपघातात फेरीवाले जखमी झाले आहेत.
या घटनेनंतर नागरिकांनी संतापून कार चालकाला बेदम चोप दिला आहे. (Car Accident)
याबाबत अधिक माहिती अशी की, बदलापूर पश्चिमेच्या मुख्य बाजारपेठेतील खाऊगल्लीत दिवाकर शेट्टी हा इसम वास्तव्याला आहे. आज दुपारच्या सुमारास शेट्टी हा त्याच्या मर्सिडीज कारने या गल्लीतून जात असताना त्याने ३ ते ४ फेरीवाल्यांना उडवल्याचा प्रकार घडला आहे. या अपघातात फेरीवाले जखमी झाले असून त्यांना तातडीने रुग्णालयात हलवण्यात आले. यानंतर संतप्त जमावाने दिवाकर शेट्टी याला बेदम चोप दिला.
संपप्त जमावाने केलेल्या मारहाणीत कार चालकही जखमी झाला आहे. दरम्यान, दिवाकर शेट्टी आणि हे फेरीवाले यांचे पूर्वीचे वाद असून याच वादातून शेट्टी याने फेरीवाल्यांना उडवल्याची या परिसरात चर्चा आहे. मात्र या सगळ्याचा तपास सुरू असून तपासाअंती या घटनेचं नेमकं कारण समोर येईल, अशी माहिती बदलापूर पश्चिम पोलीस ठाण्याचे वरिष्ठ पोलीस निरीक्षक अरुण क्षीरसागर यांनी दिली आहे. (Badalapur News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
