Panvel News: कोकण शिक्षण मतदारसंघाच्या निवडणुकीत ज्ञानेश्वर म्हात्रेंसाठी शिंदे गटाची फिल्डिंग; केसरकरांनी केला मोठा दावा

Deepak Kesarkar: मतदारसंघात उमेदवार म्हात्रे ५ हजार मतांच्या फरकाने विजयी होतील, असा दावा शिंदे गटाचे नेते, मंत्री दीपक केसरकर यांनी केला आहे.
Deepak Kesarkar
Deepak KesarkarSaam TV

सिद्धेश म्हात्रे

Konkan Teachers Constituency News : विधान परिषदेच्या कोकण शिक्षक मतदारसंघाच्या निवडणुकीने साऱ्यांचे लक्ष वेधले आहे. कोकण मतदारसंघाच्या निवडणुकीत शेकापचे बाळाराम पाटील आणि शिंदे गटाकडून ज्ञानेश्वर म्हात्रे यां दोघांमध्येच महत्वाची लढत असल्याचे बोलले जात आहे. या मतदारसंघात उमेदवार ज्ञानेश्वर म्हात्रे यांच्यासाठी शिंदे गटाकडून मोर्चेबांधणी सुरू आहे. या मतदारसंघात उमेदवार म्हात्रे ५ हजार मतांच्या फरकाने विजयी होतील, असा दावा शिंदे गटाचे नेते, मंत्री दीपक केसरकर यांनी केला आहे. (Latest Marathi News)

Deepak Kesarkar
Sanjay Raut: 'परंपरा आम्हाला शिकवू नका...' CM शिंदेंच्या वक्तव्यावर राऊतांचा हल्लाबोल; पोट निवडणुकीबाबत केला मोठा खुलासा

गेल्यावेळी कोकण शिक्षक मतदारसंघाच्या निवडणुकीत शेकापच्या बाळाराम पाटील यांनी विजय मिळवला होता. तर दुसरीकडे रायगडमध्ये शेकापचं अस्तित्व संपुष्टात येत आहे. त्यामुळे कोकण शिक्षक मतदारसंघाच्या निवडणुकीत बाळाराम पाटील आणि शेकापला आपलं अस्तित्व राखण्याचं आव्हान असणार आहे.

या कोकण शिक्षक मतदारसंघाच्या निवडणुकीत भाजप आणि शिंदे गटाने शेकापचा पराभव करण्यासाठी चांगलीच फिल्डिंग लावली आहे. कोकण शिक्षक मतदारसंघाच्या निवडणुकीत शिंदे गटाकडून ज्ञानेश्वर म्हात्रे मैदानात उतरले आहेत.

कोकण शिक्षक मतदारसंघाच्या निवडणुकीत शेकापचे बाळाराम पाटील आणि शिंदे गटाचे ज्ञानेश्वर म्हात्रे यांच्या खरी लढत असल्याचे बोलले जात आहे. या निवडणुकीवरून मंत्री दीपक केसरकरांनी (Deepak Kesarkar) मोठा दावा केला आहे.

दीपक केसरकर म्हणाले, ' कोकण शिक्षक मतदारसंघात उत्साहाचे वातावरण आहे. सर्व शिक्षक आणि संस्था चालक उमदेवार ज्ञानेश्वर म्हात्रे यांच्या पाठिशी आहेत. किमान ५ हजार मतांच्या फरकाने म्हात्रे विजयी होती याची खात्री आहे'.

दरम्यान, दीपक केसरकर यांनी आदित्य ठाकरे यांच्यावरही निशाणा साधला. केसरकर आदित्य ठाकरे यांच्यावर टीका करताना म्हणाले, 'आदित्य ठाकरे काय बोलतात हा एक संशोधनाचा विषय असतो. आदित्य ठाकरेंचं (Aaditya Thackeray) तरुण वय आहे. त्यांनी थोडासा अभ्यास केला पाहिजे. स्वत:च्या आजोबांच्या जन्मदिनाला स्मृतिदिन त्यांनी म्हटले. त्यांच्याबद्दल आम्ही काय बोलायचं?आम्हाला त्यांच्याबद्दल आदर आहे कारण ते बाळासाहेब ठाकरेंचे नातू आहेत'.

Deepak Kesarkar
Nilesh Rane : गाेट्या सावंतांचा जीव गेला असता, वैभव नाईक पळपुटा आमदार; कणकवलीतील राड्यावर निलेश राणेंचा धक्कादायक दावा

'बाळासाहेबांचा स्मृतिदिन आहे की जन्मदिन हे त्यांना माहित नसेल तर त्यांना इतर गोष्टी बद्दल बोलायचा काय अधिकार? सकाळी त्यांच्या आरोपांना उत्तर दिली आहेत. काही दिवसात अशी वेळ येईल की लोकच म्हणतील यांच्या आरोपांना उत्तर देऊ नका, असेही दीपक केसरकर म्हणाले.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
logo
Saam TV | साम टीव्ही
www.saamtv.com