Satara News : राष्ट्रवादी काॅंग्रेसमध्ये अंतर्गत वाद आहेत. त्यांना स्क्रीप्ट नुसार नाटक करावं लागते. मी कोणत्याही व्यक्तीवर, नेत्यावर आणि पक्षावर टीका करत नाहीये. परंतु लाेकांना सर्व समजते. आगामी काळातील सर्व निवडणुकांमध्ये भाजपला लाेक साथ देतील असा विश्वास केंद्रीय गृहराज्यमंत्री अजयकुमार मिश्रा यांनी सातारा येथे व्यक्त केला. (Maharashtra News)
केंद्रीय गृहराज्यमंत्री अजयकुमार मिश्रा हे दोन दिवसाच्या सातारा जिल्हा दौऱ्यावर आले आहेत. जिल्हाधिकारी कार्यालयातील नियोजन भवन येथे केंद्रीय गृह राज्यमंत्री मिश्रा यांनी जिल्ह्यातील योजनांचा आढावा घेतला. त्यानंतर शासकीय योजना जास्तीत जास्त लोकांपर्यंत पोहोचवण्यासाठी काम करावे, अशी सूचना मिश्रा यांनी अधिका-यांनी केली.
त्यानंतर मिश्रा यांनी फाशीचा वड येथे हुतात्म्यांना अभिवादन केले. त्यावेळी खासदार उदयनराजे भोसले, आमदार शिवेंद्रराजे भोसले, भाजपचे जिल्हाध्यक्ष आमदार जयकुमार गोरे, अण्णासाहेब पाटील आर्थिक मागास विकास महामंडळाचे अध्यक्ष नरेंद्र पाटील आदी उपस्थित हाेते.
मिश्रा यांनी माध्यमांच्या प्रश्नांना उत्तर देताना सातारा जिल्ह्यात भाजप तळागळात पाेहचले आहे. एकेकाळी हा राष्ट्रवादीचा गड हाेता आता ताे राहिला नाही असे म्हटलं. ते म्हणाले राष्ट्रवादी स्वत:च्याच भांडणात गुंतली आहे. त्यांना स्क्रीप्ट नुसार नाटक करावं लागतं. मी कोणावर टीका करत नाही मात्र भारतीय जनता पार्टी हि सातारा जिल्ह्यात मजबुत झालेली आहे. येणा-या काळात जिल्ह्यातील लोकसभा आणि सर्व विधानसभेच्या जागा आम्ही जिंकु असा विश्वास असल्याचे मिश्रा यांनी नमूद केले.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
