Crime News: राज्यात गेल्या काही दिवसांत गुन्हेगारीच्या घटनांमध्ये मोठी वाढ झाल्याचे चित्र पाहायला मिळत आहे. अनैतिक संबंध, कौटुंबिक कलह, महिलांवरील अत्याचार, आर्थिक फसवणूक यातून हत्या आणि आत्महत्येच्या घटना सातत्याने समोर येत आहेत. त्यातच आता हिंगोली येथून आणखी एक धक्कादायक बातमी समोर आली आहे.
दोन आरोपींनी अल्पवयीन तरुणीच्या फोटोशी छेडछाड करून तिचे अश्लील बनवत फेसबुकवर अपलोड केल्याची धक्कादायक घटना घडली आहे. या घटनेने मोठी खळबळ उडाली आहे. (Latest Marathi News)
सोशल मीडियावर (Social Media) वादग्रस्त पोस्ट टाकण्याच्या घटनेत गेल्या काही दिवसांपासून मोठी वाढ झाली आहे. पोलीस देखील अशा घटनांवर अंकुश ठेवण्यासाठी सोशल मीडियाचा वापर करणाऱ्या विविध सोशल वेबसाईटवर लक्ष ठेवून आहेत. असे असले तरी देखील, सोशल मीडियाच्या माध्यमातून महिलांवर अत्याचार होणाऱ्या घटनांमध्ये वाढ सुरूच आहे.अशीच एक घटना हिंगोली मध्ये उघडकीस आली आहे.
हिंगोलीच्या (Hingoli) कळमनुरी तालुक्यातील शेनोडी गावात, मागील दहा दिवसांपासून सोशल मीडियाच्या माध्यमातून अल्पवयीन मुलीचा छळ करून अत्याचार सुरू होता. शेनवडी गावातील दोन आरोपी पीडित मुलीचा पाठलाग करत तिचे विविध फोटो काढून फेसबुक (Facebook) सारख्या सोशल साईटवर फोटोशी छेडछाड करून अपलोड करत तिचा विनयभंग करत होते. अखेर या प्रकरणी पीडित मुलीने हा संपूर्ण प्रकार तिच्या नातेवाईकांच्या निदर्शनास आणून दिला. (Maharashtra News)
त्यानंतर कळमनुरी पोलिसात आरोपी कार्तिक आणि शिवाजी या दोन जणांविरोधात आयटीॲक्ट अंतर्गत गुन्हा दाखल करण्यात आला आहे. या घटनेनंतर हिंगोली पोलिसांनी जिल्हाभरातील महिला आणि मुलींना अशा प्रकारचे कृत्य घडत असल्यास पोलिसांशी संपर्क साधण्याचे आवाहन केले आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
