मिशन कवच कुंडल: नंदुरबार जिल्ह्यात आतापर्यंत ६६.६२ टक्के लसीकरण पूर्ण...

जिल्ह्यात आतापर्यंत ६६.६२ टक्के लसीकरण पूर्ण झाले आहे. प्रत्येक खेडे गावात १०० टक्के लसीकरणाचे उद्दिष्ट देण्यात आले आहे.
मिशन कवच कुंडल: नंदुरबार जिल्ह्यात आतापर्यंत ६६.६२ टक्के लसीकरण पूर्ण...
मिशन कवच कुंडल: नंदुरबार जिल्ह्यात आतापर्यंत ६६.६२ टक्के लसीकरण पूर्ण...दिनू गावित

नंदुरबार: मिशन कवच कुंडल मोहिमेअंतर्गत प्रत्येक गाव-पाड्यावर कोरोना लसीकरण पूर्ण करण्यासाठी जिल्हा प्रशासनाची तयारी सुरु आहे. जिल्ह्यात आतापर्यंत ६६.६२ टक्के लसीकरण पूर्ण झाले आहे. (Mission Kavach Kundal: 66.62 percent vaccination completed so far in Nandurbar district)

हे देखील पहा -

नंदुरबार जिल्ह्यात सद्यस्थितीत दोन कोरोना संसर्ग बाधित रुग्ण संख्या असून त्यांच्यावर जिल्हा रुग्णालयात उपचार सुरु आहे. जिल्ह्यातील कोरोना बाधित रुग्णांची संख्या आटोक्यात आणण्यात आरोग्य विभागाला यश आले असले तरी जिल्ह्यात अठरा वर्षांच्या वरील एकूण १४ लाख ९३ हजार ७२० नागरिकांच्या लसीकरणाचा टारगेट असून जिल्ह्यात आतापर्यंत पहिल्या डोसची मात्रा एकूण ६ लाख ८० हजार ५८० नागरिकांना देण्यात आली आहे. तर दुसऱ्या डोसची मात्रा ३ लाख १४ हजार ४७६ नागरिकांना देण्यात आल्याची माहिती प्रशासनाने दिली आहे.

जिल्ह्यातील प्रत्येक गाव-पाड्यावरील नागरिक लसीकरणापासून वंचित राहू नये यासाठी मिशन कवच कुंडल मोहीम योजनेअंतर्गत अभियान सुरू करण्यात आले असून अक्कलकुवा व धडगाव तालुक्यातील अतिदुर्गम भागात नागरिकांमध्ये लसीकरणाची जनजागृती करण्यात येत आहे. अतिदुर्गम भागातील नागरिकांना लसीकरणासाठी गाव पाड्यावर शिबिरांचे आयोजन करून लसीकरणासाठी प्रोत्साहन केले जात आहे.

मिशन कवच कुंडल: नंदुरबार जिल्ह्यात आतापर्यंत ६६.६२ टक्के लसीकरण पूर्ण...
अलिबाग-रोहा रस्त्यासाठी शेकापचे रस्ता रोको आंदोलन...

लसीकरणाचा वेग वाढावा यासाठी आरोग्य विभाग, लोकप्रतिनिधींसह तलाठी, ग्रामसेवक, अंगणवाडी सेविका, आशा कार्यकर्ती, स्वयंसेवी, सामाजिक संस्थांची मदत घेऊन प्रत्येक खेडे गावात १०० टक्के लसीकरणाचे उद्दिष्ट देण्यात आले आहे.

Edited By - Akshay Baisane

Related Stories

No stories found.