मोठी बातमी ! मुंबईतील आमदार निवासात छत कोसळला, सुदैवाने शहाजीबापू पाटील बचावले

मुंबई : एकनाथ शिंदे गटातील बंडखोर आमदार शहाजीबापू पाटील (Shahajibapu Patil) गुवाहाटीतील झाडी, डोंगर आणि हॉटेलमुळं प्रकाशझोतात आले होते. त्यानंतर सर्वच स्तरातून त्यांच्या या डायलॉगबाजीवर मिश्लिक टीप्पणी करण्यात आली. एव्हढेच नव्हे तर काय झाडी, काय डोंगर, काय हॉटेल यावर गाणीही आली. परंतु, आता पुन्हा एकदा आमदार पाटील यांची राजकीय वर्तुळात जोरदार चर्चा सुरु आहे. त्याचं कारण असं की, मुंबईत (Mumbai) असलेल्या आकाशवाणी (Mumbai Amdar Niwas) आमदार निवासातील पाटील यांच्या (teres collapsed) छताचा काही भाग कोसळला. त्यावेळी शहाजीबापू त्यांच्या रुममध्ये होते. पण, सुदैवाने त्यांना कोणतीही दुखापत झाली नसल्याची माहिती समोर आली आहे.

मिळालेल्या माहितीनुसार, शहाजीबापू यांची मुंबईतील आकाशवाणी आमदार निवासात खोली आहे. बुधवारी रात्री या खोलीतील छताचा काही भाग कोसळल्याची घटना घडली. त्यावेळी शहाजीबापू हे त्याच खोलीत होते. पण, त्यांना कोणत्याही प्रकारची दुखापत झाली नसल्याने सुदैवाने या दुर्घटनेतून ते बचावले आहेत. दरम्यान, या घटनेबाबत शहाजीबापू यांनी कोणतीही प्रतिक्रिया दिली नाहीय. परंतु, या घटनेचे काही फोटो समोर आल्याने पाटील या दुर्घटनेत थोडक्यात बचावले असल्याचे समजते.

शिवसेनेचे खासदार संजय राऊत यांनी एकनाथ शिंदे गटातील बंडखोर आमदारांना रेड्याची उपमा देऊन खरमरीत टीका केली होती. परंत, आमदार पाटील यांनी नुकतंच एका वृत्तवाहिनीच्या कार्यक्रमात राऊत यांच्यावर पलटवार केला. मी माजलेला रेडा आहे, माझ्या नादाला लागू नका, असं म्हणत पाटील यांनी राऊतांवर घणाघात केला.

Edited By - Naresh Shende