Satara News : उदयनराजेंना सल्ला द्यायला ते साताऱ्यात असतात कधी? पेपरबाजी करायची अन् गायब व्हायचं; शिवेंद्रराजेंची जोरदार टोलेबाजी

निवडणुका लागल्यावर यायचं, मात्र पाच वर्ष कामाच्या नावानं बोंबाबोंब असते.
Udyanraje-Shivendraraje
Udyanraje-ShivendrarajeSaam TV

>> ओंकार कदम

सातारा: साताऱ्यातील खासदार उदयनराजे भोसले (udayanraje bhosale) आणि आमदार शिवेंद्रराजे भोसले (shivendraraje bhosale) यांच्यातील वाद थांबण्याचं नाव घेत नाहीय. शिवेंद्रराजे भोसले यांनी पुन्हा एकदा खासदार उदयनराजेंवर टीका केली आहे. उदयनराजेंना फुकटचे सल्ले द्यायला ते कधी साताऱ्यात असतात का? असा टोला शिवेंद्रराजेंनी लगावला आहे.

उदयनराजेंना सल्ला द्यायला ते साताऱ्यात कधी असतात. महिन्यातून एकदा साताऱ्यात यायचं पेपरबाजी करायची आणि गायब व्हायचं. निवडणुका लागल्यावर यायचं, मात्र पाच वर्ष कामाच्या नावानं बोंबाबोंब असते. त्यांचा नगरपालिकेच्या कामावर कुठेही कंट्रोल नाही, नगरपालिकेतून बिल काढायची आणि कमिशन खायची, अशी खरमरीत टीका आमदार शिवेंद्रराजे भोसले यांनी उदयनराजेंवर केली आहे.

Udyanraje-Shivendraraje
Sanjay Gaikwad : ...अन्यथा भाजपसोबतची युती तुटेल; शिंदे गटातील आमदाराचा थेट इशारा

काही दिवसांपूर्वी उदयनराजेंनी टीका करताना म्हटलं होतं की, जनतेने मनापासून विशेष म्हणजे कायमस्वरुपी पालिकेतून रिटायर्ड केले आहे त्यांनी सातारा विकास आघाडीने आता रिटायर्डमेंट घ्यावी असा सल्ला देणे म्हणजे चोंबडेपणा आहे. आमदारांनी आता रियल इस्टेटचा व्यवसाय मंदावला असल्यास चोंबडे सल्ले देण्याचा नवीन व्यवसाय सुरु करावा.

Udyanraje-Shivendraraje
Sanjay Raut : संजय राऊतांना मध्यरात्री राहुल गांधींचा फोन; नेमकी काय चर्चा झाली?

कुरतडलेली दाढी आणि भुरकट मिशांना पीळ देण्यापेक्षा प्रेमाने कोणाला आलिंगन देणे केव्हाही चांगले. त्यांच्यासारखे निदान आमच्या पोटात एक आणि ओठात एक असे तरी नाही अशी टीका उदयनराजेंनी शिवेंद्रसिंहराजेंच्या टिकेवर केला होती.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com