निलंगा-कासार शिरसी रस्त्यासाठी मनसेचे रास्तारोको आंदोलन

लातूर - निलंगा ते कासार शिरसी जाणाऱ्या खराब रस्त्याचे काम तात्काळ करावे म्हणत शासनाच्या विरोधात घोषणा देत मनसेचे जिल्हाध्यक्ष डॉ. नरसिंह भिकाणे यांच्या नेतृत्वाखाली दादगी पाटीवर रास्तारोको आंदोलन करण्यात आले आहे.

हे देखील पहा -

निलंगा मतदार संघातील निलंगा ते कासार शिरसी हा रस्ता राष्ट्रीय महामार्ग नऊला जोडला जातो परंतु हा रस्ता अतिशय खराब झाला आहे. रस्त्यावर मोठे खड्डे पडले असल्याकारणाने अनेक नागरिकांचे अपघात झाले आहे. अनेकांना आपला जीव गमवावा लागला आहे. तर अनेकांचे अपघात होऊन त्यांना आपले हात पाय गमवावे लागले आहेत.

अनेकवेळा मनसेच्या वतीने निलंगा बांधकाम विभागाला सदरील रस्ता दुरूस्त करण्यासाठी निवेदन दिले आहेत. परंतु याची दखल न घेतल्याने आज मनसेचे जिल्हा अध्यक्ष नरसिंह भिकाणे यांच्या नेतृत्वाखाली दादगी पाटी येथे असंख्य कार्यकर्त्यांसह रास्तारोको आंदोलन करण्यात आले.

Edited By - Shivani Tichkule