Raju patil| 'कल्याण डोंबिवली महापालिका फक्त सेटिंगमध्ये स्मार्ट'; आमदार राजू पाटील यांची टीका

मनसे आमदार राजू पाटील (Raju Patil) यांनी ट्विट करत आमची केडीएमसी फक्त सेटींगमध्ये स्मार्ट आहे,अशी शब्दात कल्याण डोंबिवली महापालिकेच्या कारभारावर टीका केली आहे.
Raju Patil News
Raju Patil News saam tv

Raju patil News : केंद्रीय मंत्री अनुराग ठाकूर यांनी केडीएमसी आणि अधिकारी यांना स्मार्टसिटीवरून चांगलेच सुनावले. कल्याण डोंबिवली हे शहर स्मार्ट सिटी म्हणून घोषित केल्याचे मला वाटलेच नाही, असे खडेबोल कल्याण डोंबिवली महापालिकेचे आयुक्त भाऊसाहेब दांगडे आणि अधिकाऱ्यांना केंद्रीय मंत्री अनुराग ठाकूर यांनी सुनावले. केंद्रीय मंत्री ठाकूर यांनी खडेबोल सुनावल्यानंतर मनसे आमदार राजू पाटील (Raju Patil) यांनी ट्विट करत आमची केडीएमसी फक्त सेटींगमध्ये स्मार्ट आहे,अशी शब्दात कल्याण डोंबिवली महापालिकेच्या कारभारावर टीका केली आहे.

कल्याण लोकसभा मतदार संघाचा तीन दिवसीय अभ्यास दौरा करण्यासाठी अनुराग ठाकूर कल्याण डोंबिवली शहरात आले आहेत. या दौऱ्यादरम्यान कल्याण डोंबिवली महापालिकेचे आयुक्त भाऊसाहेब दांगडे आणि अधिकाऱ्यांच्या कारभारावर टीका केली.

'कल्याण डोंबिवली शहर हे स्मार्ट सिटी आहे हे ऐकूनच मी हैराण झालो. ज्या शहराला स्मार्ट सिटी म्हणून घोषित केले आहे, त्या ठिकाणी बदल आणि काम झालेले मी पाहिले आहे. मात्र कल्याण डोंबिवली हे शहर स्मार्ट सिटी म्हणून घोषित केल्याचे मला वाटलेच नाही, असे खडेबोल कल्याण डोंबिवली महापालिकेचे आयुक्त भाऊसाहेब दांगडे आणि आधिकर्यांना केंद्रीय मंत्री अनुराग ठाकूर यांनी सुनावले.

दरम्यान, केडीएमसीमध्ये गेले अनेक वर्षे शिवसेना-भाजपची सत्ता राहिली आहे. खासदार,आमदार आणि नगरसेवक सुद्धा शिवसेना-भाजपचे राहिले आहेत. त्यामुळे यांचे अंकुश अधिकाऱ्यांवर नव्हते का?  असा सवाल उपस्थित केला जात आहे.

Raju Patil News
लम्पीमुळे पशुधनाची हानी झाल्यास....; मंत्रिमंडळाच्या बैठकीत मुख्यमंत्र्यांनी घेतला मोठा निर्णय

दरम्यान, मनसे आमदार राजू पाटील यांनी ट्विट करत आणि ठाकूर यांना टॅग करत ,'आमची केडीएमसी फक्त सेटींगमध्ये स्मार्ट आहे. मग ती टक्केवारीची असो की नवनवीन पुरस्कार असो. बरं झाले आपणच घरचा आहेर दिला, अशा शब्दात कल्याण डोंबिवली महापालिकेच्या महापालिकेवर टीका केली आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com