Palghar: मनसे पदाधिकाऱ्याची मुजोरी; डॉक्टरला बेदम मारहाण; धक्कादायक घटनेचा व्हिडिओ आला समोर

मारहाणीत त्यांच्या डोक्याला गंभीर दुखापत झाली आहे.
Palghar
PalgharSaam TV

Palghar: पालघरमध्ये मनसेच्या पदाधिकाऱ्यांनी एका डॉक्टरला बेदम मारहाण केल्याची धक्कादायक घटना समोर आली आहे. पालघर येथील मनसेचे ग्रामीण जिल्हाध्यक्ष समीर मोरे यांनी आपल्या कार्यकर्त्यांसह रुग्णालयात जाऊन रुग्णालयाची तोडफोड करत एका डॉक्टरला बेदम मारहाण केली आहे . (Latest Palghar News)

मिळालेल्या माहितीनुसार, स्वप्निल शिंदे असं मारहाण झालेल्या डॉक्टरांच नाव असून त्यांचं बोईसर परिसरात शिंदे रुग्णालय आहे. समीर मोरे यांनी ही बेदम मारहाण केल्याचा आरोप डॉक्टरांकडून करण्यात आला असून या मारहाणीत त्यांच्या डोक्याला गंभीर दुखापत झाली आहे. त्यामुळे त्यांना गुजरातमधील वापी येथील एका रुग्णालयात उपचारासाठी हलवण्यात आले आहे.

Palghar
Palghar Crime : धक्कादायक! प्रेयसी भेटायला येईना, प्रियकरानं केलं हादरवणारं कृत्य

मारहाणीचा हा व्हिडिओ रुग्णालयात लागलेल्या सीसीटीव्ही कॅमेऱ्यात कैद झाला असून मारहाण आणि रुग्णालयाच्या तोडफोडी प्रकरणात बोईसर पोलीस ठाण्यात गुन्हा दाखल झाला आहे. सध्या बोईसर पोलीस या प्रकरणाचा अधिक तपास करत असून या मारहाणीनंतर बोईसर आणि परिसरातील डॉक्टरांकडून या घटनेचा निषेध व्यक्त केला जातोय.

का केली मारहाण?

मनसेचे ग्रामीण जिल्हाध्यक्ष समीर मोरे यांनी कोरोनाकाळतील बिलांची मागणी केली होती. कोरोना काळातील पेंडिंग असलेल बिल ते डॉक्टर स्वप्निल शिंदे यांच्याकडे मागत होते. हे बिल न दिल्याने समीर यांनी आपल्या कार्यकर्त्यांना रुग्णालयात बोलावले आणि स्वप्निल शिंदे यांना धमकी देण्यास सुरूवात केली. यादरम्यान दोघांमध्ये बाचाबाची देखील झाली. त्यानंतर समीर मोरे आणि त्यांच्या कार्यकर्त्यांनी थेट डॉक्टर स्वप्निल शिंदे यांना लाथाबुक्क्यांनी मारहाण करण्यास सुरूवात केली. या घटनेने परिसरात एकच खळबळ उडाली आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
logo
Saam TV | साम टीव्ही
www.saamtv.com