Mumbai-Goa Highway : मुंबई-गोवा महामार्गावर मनसेचा ग्राऊंड रिपोर्ट; मंत्री रविंद्र चव्हाणांच्या दाव्याची पोलखोल, पाहा VIDEO

MNS on Mumbai-Goa Highway : रविंद्र चव्हाण यांच्या घोषणेचा पर्दाफाश मनसेचे प्रवक्ते योगेश चिले यांनी केला आहे.
MNS
MNSSaam TV

Mumbai-Goa Highway News :

गणोशोत्सव आता काही दिवसांवर येऊन ठेपला आहे. शहरातील कोकणी माणसाची पावलं हळूहळू गावाकडे वळू लागली आहेत. सार्वजनिक बांधकाम मंत्री रविंद्र चव्हाण यांच्या आश्वासनामुळे आपला प्रवास सुखकर होईल, ही आशा नागरिकांमध्ये होती. मात्र यंदाही खराब रस्त्यांचं विघ्न कोकणवासियांच्या समोर आहेच.

गणेशोत्सवापूर्वी मुंबई-गोवा महामार्गावरची एक लेन सुरु केली, अशी महिती सार्वजनिक बांधकाम मंत्री रविंद्र चव्हाण यांनी केली होती. मात्र रविंद्र चव्हाण यांच्या घोषणेचा पर्दाफाश मनसेचे प्रवक्ते योगेश चिले यांनी केला आहे.

MNS
Vijay Wadettiwar News : भाजप मंत्र्यांच्या कन्येला सरकारी योजनेत कोट्यवधींची सबसिडी, विजय वडेट्टीवार यांची सडकून टीका

मनसेने आपल्या अधिकृत ट्विटर अकाऊंटवर योगेश चिले यांनी केलेल्या ग्राऊंड रिपोर्टचा व्हिडीओ शेअर केला आहे. मनसेने ट्वीटमध्ये म्हटलं की, गणेशोत्सवापूर्वी मुंबई-गोवा महामार्गावरची एक लेन सुरु केली, अशी आरोळी ठोकणारे सार्वजनिक बांधकाम मंत्री रवींद्र चव्हाण यांचे दावे किती खोटे आहेत हे पाहा. गणपतीसाठी चाकरमानी कोकणात जाताना काय हालअपेष्टा सहन करणार आहे ह्याचं वास्तव दाखवणारा मनसे प्रवक्ते योगेश चिले ह्यांचा ग्राऊंड रिपोर्ट. (Latest Marathi News)

योगेश चिले यांनी आपल्या व्हिडीओत म्हटलं की, मी आता संगमेश्वरपासून ५ किमी अंतरावर आहे, इथून राजापूर येथे निघालो आहे. गणपतीआधी मुंबई-गोवा हायवे एक लेन सुरु करु, अशी घोषणा मंत्री रविंद्र चव्हाण यांनी केली होती. (Political News)

मी या रस्त्यावर आहे, मला संगमेश्वरपासून ही सिंगल लेन कुठेच दिसली नाही. चिपळूणपासूनही मधे-मधे सिंगल लेन आहे. तर काही ठिकाणी ती गायब आहे. इतकं काम बाकी आहे की दोन महिन्यातही हे काम पूर्ण होणार नाही. मग मंत्री महोयदयांनी कुठल्या भरवश्यावर गणपतीआधी रस्ता सुरु करण्याचा दावा केला हे आम्हाला कळत नाही, असं योगेश चिले यांनी म्हटलं.

आपण मंत्री झालात की लोकांना आवडतील अशा घोषणा करणं खूप सोपं असतं. पण वस्तुस्थिची विचार न करता घोषणा केल्या तर काय हालत होते हे तुम्हाला कळेल. मात्र गणेशोत्सवात या मार्गावर कोणतंही अघटित घडू नये ही प्रार्थना, असं योगेश चिले यांनी म्हटलं.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com