'बाळासाहेबांसारखा अभिनय करून बाळासाहेब होता येत नाही'

शिवसेनेचे खासदार विनायक राऊत यांनी मनसे प्रमुख राज ठाकरेंवर केली घणाघाती टीका आहे.
Raj Thackeray And Balasaheb Thackeray
Raj Thackeray And Balasaheb ThackeraySaam Tv

अजय दुधाणे

बदलापूर : शिवसेना (Shivsena) आणि मनसेमध्ये शाब्दिक युद्ध सुरू झालं आहे. 'बाळासाहेबांसारखा अभिनय करून बाळासाहेब होता येत नाही. ज्या माँ साहेबांच्या हातून तोंडात अन्न गेलं पण दुर्दैवं आमचं त्या अन्नासोबत संस्कार नाही गेले, अशी घणाघाती टीका शिवसेनेचे खासदार विनायक राऊत ( Vinayak Raut ) यांनी मनसे प्रमुख राज ठाकरेंवर (Raj Thackeray) केली आहे. ( MP Vinayak Raut Latest News In Marathi )

हे देखील पाहा -

शिवसेनेतर्फे बदलापूरच्या रमेशवाडीमध्ये शिवसंपर्क अभियानाअंतर्गत सभेचे आयोजन केलं होतं. त्या सभेला खासदार विनायक राऊत आले होते. या सभेत त्यांनी मनसे प्रमुख राज ठाकरे यांच्यावर निशाणा साधला. 'बाळासाहेबांसारखा अभिनय करून बाळासाहेब होता येत नाही. ज्या माँ साहेबांच्या हातून तोंडात अन्न गेलं पण दुर्दैवं आमचं त्या अन्नासोबत संस्कार नाही गेले, अशा शब्दात त्यांनी राज ठाकरेंवर तोफ डागली. त्यामुळं मनसेकडून विनायक राऊत यांना काय प्रत्युत्तर मिळणार हे पाहावे लागणार आहे.

Raj Thackeray And Balasaheb Thackeray
राज ठाकरेंनी घेतलेल्या पदाधिकारी मेळाव्यात या ३ मुद्द्यांवर झाली चर्चा

दरम्यान, विनायक राऊत यांनी यावेळी संभाजीराजे छत्रपती यांच्या राज्यसभेतील निवडणुकीतील माघारीवर भाष्य केलं. 'संभाजी महाराज यांचा आम्हाला आदर आहे. मात्र,संभाजीराजे आपण देवेंद्र फडणवीस यांच्या तालावर नाचत असाल, तर आम्ही सुद्धा ९६ कुळी मराठा आहोत. आम्हाला सुद्धा जातीचा अभिमान आहे. मात्र, जातीपेक्षा आम्हाला भगव्याचा अभिमान आहे. ज्याने ज्याने शिवबंधन बांधले त्याचा सन्मान करणे हे आम्हाला शिवसेनेनं शिकवलं आहे . संभाजीराजे तुम्हाला खासदार व्हायचे होते तेव्हा तुम्ही घड्याळ हातात बांधले. भाजपाचा तंबू चालला. मात्र शिवसेनेचे शिवबंधन चालले नाही हे दुर्दैव छत्रपती घराण्याचं की आम्हा मराठ्यांचे ?, असा सवाल करत राऊतांनी संभाजीराजेंवर जोरदार टीका केली.

Edited By - Vishal Gangurde

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com