Thane : अग्निवीर होण्याचं स्वप्न अधुरं राहिलं; लोकल ट्रेनच्या धडकेत तरुणाचा मृत्यू

धुळ्याहून ठाण्यात आर्मी अग्निवीर भरतीसाठी आलेल्या तरुणाचा लोकल (Local) ट्रेनच्या धडकेत मृत्यू झाल्याची घटना घडली आहे.
22 years old young man died in railway accident
22 years old young man died in railway accidentsaam tv

Thane News : धुळ्याहून ठाण्यात (Thane) आर्मी अग्निवीर भरतीसाठी आलेल्या तरुणाचा लोकल (Local) ट्रेनच्या धडकेत मृत्यू झाल्याची घटना घडली आहे. अग्निवीर भरतीसाठी ठाण्यात आलेल्या तरुणाचा रेल्वे अपघातात मृत्यू झाल्यामुळे त्याचं अग्निवीर होण्याचं स्वप्न अधुरं राहिलं आहे. बुधवारी दुपारी ११ वाजण्याच्या सुमारास ही घटना घडली. मुंब्रा स्थानकातील या अपघातामुळे परिसरात एकच खळबळ उडाली आहे. रामेश्वर देवरे असे रेल्वे अपघातात मृत्यू झालेल्या तरुणाचं नाव आहे. (Thane news In Marathi)

22 years old young man died in railway accident
Mumbai Crime : मुंबईत चाललंय काय ? लोकलमध्ये घुसून महिलेचा विनयभंग

मिळालेल्या माहितीनुसार, ठाण्यातील मुंब्रा एम. एम. व्हॅली परिसरातील मौलाना अब्दुल कलम आझाद स्टेडियम येथे आर्मी अग्निवीर भरती प्रक्रिया सुरू आहे. सदर अग्निवीर भरती प्रक्रिया ही २० सप्टेंबर ते १० ऑक्टोबर दरम्यान सुरू असणार आहे. या भरती प्रक्रियेसाठी धुळ्याहून रामेश्वर भारत देवरे हा २२ वर्षीय तरुण आला होता.

या भरती प्रक्रियेसाठी आलेल्या तरुणाची अचानक तब्येत बिघडली. त्यावेळी रामेश्वर देवरे हा तरुण मुंब्रा स्थानकात बसला होता. रामेश्वरची तब्येत बिघडल्यामुळे त्याला ओकारी येत होती. ओकारी करण्यासाठी रामेश्वरने रेल्वे रुळाच्या दिशेने धाव घेतली. ओकारी करत असताना त्याचे आजूबाजूला लक्ष गेले नाही, त्यामुळे मागून आलेल्या रेल्वेने त्याला जोरदार धडक दिली.

22 years old young man died in railway accident
'अधीश' बंगल्यावर हातोडा पडणार? नारायण राणेंनी घेतली सुप्रीम कोर्टात धाव

रामेश्वरच्या अपघातानंतर मुंब्रा स्थानकात एकच खळबळ उडाली. रामेश्वरच्या अपघाताच्या घटनेची माहिती मिळताच ठाणे लोहमार्ग पोलिसांनी घटनास्थळी धाव घेत त्याला रुग्णालयात उपचारासाठी घेऊन गेले.

रामेश्वरला रुग्णालयात दाखल केल्यानंतर डॉक्टरांनी या तरुणाला मृत घोषित केले. मुंब्रा येथील फलाट क्रमांक ३ वर बुधवारी २१ सप्टेंबर रोजी दुपारी ११ वाजण्याच्या सुमारास घटना घडली. या अपघाताचे संपूर्ण थरारक दृश्य सीसीटीव्हीमध्ये कैद झाले आहे. या घटनेने रामेश्वरच्या कुटुंबावर शोककळा पसरली आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com