ATM मध्ये तांत्रिक बिघाड; पाचशेचा विड्रॉल, निघाले अडीच हजार; पैसे काढण्यासाठी नागरिकांची तुफान गर्दी

रात्री उशिरापर्यंत एटीएम बाहेर पैसे काढणाऱ्यांची तुफान गर्दी जमा झाली.
ATM मध्ये तांत्रिक बिघाड; पाचशेचा विड्रॉल, निघाले अडीच हजार; पैसे काढण्यासाठी नागरिकांची तुफान गर्दी
Nagpur Latest Marathi NewsSaam TV

नागपूर : पैशाचा लोभ कुणालाही सुटत नाही असं म्हणतात. आपला खिसा नेहमी गरम राहावा अशी प्रत्येकाची इच्छा असते. मात्र, पैसा कमविण्यासाठी प्रचंड मेहनत घ्यावी लागते. पण परिश्रम करण्याची तयारी अनेकजण दर्शवत नाही. अशातच कुठूनतरी अचानक आपल्या खिशात पैसा यावा याची वाट अनेकजण बघत असतात. नागपुरातील एका एटीएममध्ये 500 रुपये विड्रॉलसाठी टाकले असता 2500 रुपये विड्रॉल होत असल्याची वार्ता वाऱ्यासारखी पसरली आणि मग काय नागरिकांनी या एटीएमकडे धाव घेतली. (Nagpur ATM Withdrawal Latest Marathi News)

Nagpur Latest Marathi News
उल्हासनगर मध्ये पोलिसानेच केली महिलेची हत्या; मृतदेह घेऊन २४ तास फिरवत होता गाडीत

मिळालेल्या माहितीनुसार, नागपूर जिल्ह्यातील खापरखेडा च्या शिवा मार्केटमध्ये ॲक्सिस बँकेचे एटीएम आहे. एटीएम मधून पाचशे रुपये विड्रोल टाकले असता त्यातून अडीच हजार रुपये निघत असल्याचा काही नागरिकांच्या लक्षात आलं. ही माहिती बघता बघता आजूबाजूच्या गावात पसरली. मग काय मिळेल ते एटीएम कार्ड घेत अनेकांना या एटीएमकडे धाव घेतली. रात्री उशिरापर्यंत एटीएम बाहेर पैसे काढणाऱ्यांची तुफान गर्दी जमा झाली. (Nagpur Latest Marathi News)

दरम्यान, ही बाब लक्षात येताच पोलिसांनी एटीएमच्या दिशेने कूच केली. आणि पैसे काढणाऱ्याला नागरिकांना हुसकावून लावलं. पोलिसांनी एटीएमचा शटर बंद केला आणि पोलीस बंदोबस्त लावला. त्यामुळे पैसे काढायला येणाऱ्या लोकांची मात्र निराशा झाली. विशेष म्हणजे या एटीएमवर पैसे काढल्यानंतर मोबाईलवर बॅंकेतून कोणताही मेसेज संबंधितांना आला नाही.

Nagpur Latest Marathi News
दुदैवी! पदवी परीक्षेसाठी निघालेल्या दोन तरुणींचा अपघातात मृत्यू

एटीएम मशीनमध्ये तांत्रिक बिघाड

दरम्यान, मंगळवारी सकाळी कंपनीची टेक्निकल टीम येथे दाखल झाली. त्यांनी मशीनमध्ये आलेला तांत्रिक बिघाड दूर केला. पैसे काढणाऱ्या एटीएमधारकांचा डाटा काढून त्यांच्याकडून पैसे वसूल करण्यात येईल. याबाबत पोलीस स्टेशन येथे तक्रार दाखल करण्यात येणार असल्याची माहिती टेक्निकल पथकातील अधिकाऱ्यांनी दिली.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com