पंढरपूर : काँग्रेसचे प्रदेशाध्यक्ष नाना पटोले (nana patole) यांच्या विरोधात भाजप कार्यकर्ते आक्रमक झाले आहेत. राज्यभरात नाना पटाेले यांचा भाजप कार्यकर्ते निषेध नाेंदवित आहेत. मंगळवेढयात आज नाना पटोले यांच्या प्रतिकात्मक पुतळ्याला जोडे मारत पुतळयाचे दहन केले. काँग्रेस प्रदेशाध्यक्ष नाना पटोले यांनी पुन्हा एकदा पंतप्रधान मोदी (narendra modi) बद्दल टिंगल टवाळी करणारे वक्तव्य केल्याने संतप्त भाजप कार्यकर्त्यांनी आंदोलन केले आहे. सोलापूर (solapur) लोकसभा भाजप संघटक शशिकांत चव्हाण यांच्या नेतृत्वाखाली मंगळवेढा येथे भाजप कार्यकर्त्यांनी नाना पटोले (nana patole) यांच्या पुतळ्याला जोडे मारले यांनतर पटोले यांचा पुतळ्याचे दहन केलं.
नागपूरात गाढवासह आंदाेलन
काँग्रेस प्रदेश अध्यक्ष नाना पटोले यांनी केलेल्या वक्तव्याच्या निषेधार्थ भाजप युवा मोर्चाने (nagpur) जोरदार आंदोलन केलं. या आंदोलनात चार गाढव आणले हाेते. त्याच्या पाठीवर आमच्या गावाचा नाना पटोले असे फलक लावत नाना पटोले आणि काँग्रेस विरोधात जोरदार घोषणाबाजी केली. नाना पटोले यांच्या विरोधात भाजप (bjp) आणि युवा मोर्चा चांगलाच आक्रमक झाला असून ठीक ठिकाणी आंदोलन केलं जातं आहे. या आंदोलनात गाढव सहभागी करून नाना पटोले यांना गाढवाची उपमा या कार्यकर्त्यांनी दिली.
नाना पटोलें विरोधात बीड भाजप आक्रमक
पंतप्रधान नरेंद्र मोदी (prime minister narendra modi) यांच्याबद्दल दुसऱ्यांदा आक्षेपार्ह वक्तव्य केल्याने काँग्रेसचे (congress) महाराष्ट्र अध्यक्ष नाना पटोले यांच्या प्रतिमेला बीडमध्ये (beed) जोडे मारो आंदोलन करण्यात आलं. यावेळी संतप्त कार्यकर्त्यांनी नाना पटोले यांचा फोटो असलेल्या बॅनरवर मद्य ओतून निषेध केला. भाजप कार्यालयासमोर राजेंद्र मस्के (भाजपा जिल्हाध्यक्ष) व कार्यकर्त्यांनी हे आंदोलन केले असून यावेळी नाना पटोले यांच्या विरोधात जोरदार घोषणाबाजी करण्यात आली. या आंदोलनामध्ये भाजप पदाधिकार्यांसह मोठ्या संख्येने कार्यकर्ते सहभागी झाले होते.
edited by : siddharth latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.