Nagpur Kambale Double Murder Case: बहुचर्चित कांबळे दुहेरी हत्याकांड प्रकरणात नागपूर विशेष सत्र न्यायालयाने शुक्रवारी महत्वपूर्ण निकाल दिला आहे. न्यायालयाने तिन्ही आरोपींना दोषी ठरवत दुहेरी जन्मठेपेची शिक्षा ठोठावली आहे.
यातील एक आरोपी हा अल्पवयीन असल्याने त्याला ३ वर्ष कारावासाची शिक्षा सुनावण्यात आली. नागपूर विशेष सत्र न्यायालयाचे न्या. एस.बी. गावंडे यांनी हा निकाल दिला.
१७ फेब्रुवारी २०१८ रोजी नागपुरातल्या (Nagpur) न्यूज पोर्टलचे पत्रकार रविकांत कांबळे यांच्या ५५ वर्षीय आई उषा आणि दीड वर्षांची मुलगी राशी यांची हत्या करण्यात आली होती. आरोपी गणेश व उषा कांबळे यांच्यामध्ये भिसीच्या पैशांवरून वाद झाला.
त्यानंतर आरोपींनी उषा यांच्यासह त्यांच्यासोबत असलेल्या दीडवर्षीय राशीचाही निर्घृण खून केला आणि त्यांचे मृतदेह उमरेड रोडवरील विहीरगावजवळच्या नाल्यात फेकून (Crime News) दिले होते. पोलिसांनी या प्रकरणी किराणा दुकानदार गणेश शाहू याची पत्नी आणि भावांना अटक केली होती.
गणेशची पत्नी गुडिया शाहू आणि भाऊ अंकित आणि सिद्धू यांचाही आजी-नातीच्या हत्येत सहभाग असल्याचं पोलिस (police) तपासात उघड झाले होते. याप्रकरणी पोलिसांनी गणेश शिवभरण शाहू याच्यासह ३ जणांविरोधात हत्येचा गुन्हा दाखल केला होता.
गणेश हा या हत्याकांडातील मुख्य आरोपी आहे. इतर आरोपींमध्ये गणेशची पत्नी गुडिया ऊर्फ गुड्डी व भाऊ अंकित यांचा समावेश आहे. सरकारच्या वतीने विशेष वकील ॲड. उज्ज्वल निकम यांनी बाजू मांडली. फिर्यादी रविकांत कांबळे यांचे वकील ॲड. समीर सोनवणे यांनी त्यांना सहकार्य केले.
Edited by - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
