Nagpur Crime News : भाचीला घरात एकटं पाहून मामाची नियत फिरली; धमकी देत केलं संतापजनक कृत्य, काळीमा फासणारी घटना

याप्रकरणी पीडित भाचीच्या तक्रारीवरून पोलिसांनी नराधम मामाविरोधात गुन्हा दाखल करत त्याला अटक केली.
Nagpur Crime News
Nagpur Crime NewsSaam TV

Nagpur Crime News : गेल्या काही दिवसांपासून राज्यात महिलांवरील अत्याचारांच्या घटनेत मोठी वाढ झाली आहे. महिला अत्याचाराविरोधात कठोरात कठोर पाऊलं उचलण्याची मागणी होत आहे. अशातच, नागपुरातून एक संतापजनक घटना समोर आली आहे. येथे एका नराधम मामाने आपल्याच १७ वर्षीय भाचीचा विनयभंग केला आहे. याप्रकरणी पीडित भाचीच्या तक्रारीवरून पोलिसांनी नराधम मामाविरोधात गुन्हा दाखल करत त्याला अटक केली. या घटनेनं परिसरात मोठी खळबळ उडाली आहे.  (Latest Marathi News)

Nagpur Crime News
Mumbai Crime News : खेळता खेळता अचानक गायब झाली चिमुकली; सीसीटीव्ही फुटेज पाहून आई-वडिलांना धक्काच बसला!

नागपूरच्या (Nagpur) पाचपावली पोलीस ठाणे परिसरात ही घटना घडली. श्रीराम (वय ३५ वर्ष) असं अटक करण्यात आलेल्या नराधम मामाचं नाव आहे. याप्रकरणी पीडित मुलीच्या नातेवाईकांनी पोलिसांत तक्रार दाखल केली आहे. मिळालेल्या माहितीनुसार, आरोपी मामा श्रीराम याला दारूचं व्यसन आहे. त्याची बऱ्याच दिवसांपासून आपल्या १७ वर्षीय अल्पवयीन भाचीवर वाईट नजर होती.

दरम्यान, आरोपी २० फेब्रुवारी रोजी पीडितेच्या घरी आला होता. यावेळी घरात तरुणी एकटीच होती. तरुणीला एकटं पाहून मामाची नियत (Crime News) फिरली. त्याने तिच्यासोबत बळजबरीने अश्लील कृत्य करण्यास सुरुवात केली. अल्पवयीन मुलीने आरोपीला विरोध केला. यानंतर आरोपीने कोणाला सांगितले तर मी तुझा जीव घेईन अशी जीवे मारण्याची धमकी दिली.

Nagpur Crime News
Girls Fight Video : एका बॉयफ्रेंडसाठी २ तरुणी आपसांत भिडल्या; भर हॉटेलात WWE चा थरार, तरुणालाही दिला चोप

मामाची धमकी ऐकून मुलगी घाबरली आणि तिने कोणालाही काहीही सांगितले नाही. आरोपीचे यामुळे मनोबल वाढले आणि आई-वडील घरी नसताना तो घरी येऊन अश्लील कृत्य करू लागला. सततच्या छेडछाडीला कंटाळून पीडितेने हा सगळा प्रकार आईला सांगितला. यानंतर तरुणीने तिच्या कुटुंबीयांसह पोलीस (Police) ठाणे गाठून आरोपीविरुद्ध तक्रार दाखल केली.

पीडितेच्या तक्रारीनंतर पाचपावली पोलिसांनी आरोपीविरोधात बाल लैंगिक अत्याचार प्रतिबंधक कायद्यानुसार गुन्हा दाखल केला. दरम्यान, पोलिसांनी आता या नराधम मामाला अटक केली आहे. आपल्याच अल्पवयीन भाचीसोबत धक्कादायक कृत्य करणाऱ्या मामाचा कारनामा समोर येताच, परिसरात मोठी खळबळ उडाली आहे. या प्रकरणाचा पुढील तपास पोलीस करीत आहेत.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com