Nagpur : अवकाळी पावसामुळे नुकसान झालेल्या भागात तातडीने पंचनामे करण्याचे आदेश दिले गेले आहेत. सरकार नुकसानग्रस्तांना भरपाई देण्यासाठी कटीबद्ध आहे. दरम्यान जून्या पेन्शन याेजना (old pension scheme) संदर्भात राष्ट्रवादीचे प्रदेशाध्यक्ष जयंत पाटील (jayant patil) यांची दुटप्पी भुमिका असल्याची टीका भाजप प्रदेशाध्यक्ष चंद्रशेखर बावनकुळे (chandrashekhar bawankule) यांनी केली. (Maharashtra News)
बावनकुळे म्हणाले जयंत पाटील हे अर्थमंत्री असताना काॅंग्रेस (congress) आणि राष्ट्रवादीच्या (ncp) नेत्यांची अनेक भाषणं आहेत, त्यात पेन्शन याेजना बंद करा ते म्हणातहेत. सन 2005 कालावधीत पेंशन योजना बंद करावी असे बोलत होते. आता मात्र दुटप्पी भूमिका घेत आहेत. जयंत पाटील यांनी स्वतःचा चेहरा आरशात बघितला पाहिजे मगच मागणी केली पाहिजे अशी टीका बावनकुळेंनी जयंत पाटील यांच्यावर केली.
मतांचा राजकारणासाठी जुनी पेन्शन योजनेला विराेधक पाठिंबा देत आहेत असेही बावनकुळेंनी स्पष्ट केले. ते म्हणाले सरकारच्या विराेधात रान पेटवून सरकारी कर्मचा-यांची मते मिळतील अशी आशा विराेधकांना आहे.
मुख्यमंत्री एकनाथ शिंदे चांगलं काम करत आहेत. बजेट मधून लोकांना एक रुपयात पीक विमा पुढील वर्षपासून मिळणार आहे. हा मोठा लाभ लोकांना होत आहे. एकनाथ शिंदे यांची सभा शक्ती प्रदर्शनासाठी नव्हती. खरे शिवसैनिक त्या सभेत आले होते. उद्धव ठाकरे यांची सभा शक्ती प्रदर्शनासाठी होती. महविकास आघाडीचा सभा घेणे हाच उद्देश आहे असेही बावनकुळेंनी नमूद केले.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
