Nagpur School Bus Accident: विद्यार्थ्यांना घेऊन जाणारी स्कूलबस उलटली; अपघाताचं कारण आलं समोर

Nagpur News: समृद्धी महामार्गावरील भीषण अपघाताने संपूर्ण महाराष्ट्र हादरुन गेलाय. अशात नागपूर येथून अपघाताची आणखीन एक बातमी समोर आली आहे. नागपूरमधील एका स्कूल बसचा भीषण अपघात झालाय. सुदैवाने या अपघातात कोणतीही जीवितहानी झालेली नाही. (Latest Marathi News)

मिळालेल्या अधिक माहितीनुसार, नागपूर जिल्ह्यातील बडेगाव येथे विद्यार्थी घेऊन जाणारी स्कूल बस उलटली आहे. स्कूल बस मध्ये ८ विद्यार्थी होते. बस उलटल्याने सर्वच विद्यार्थी भयभीत झाले. मात्र तातडीने वाहन चालकाने सर्व विद्यार्थ्यांना सुरक्षित खाली उतरवले आहे.

अपघातात काही विद्यार्थ्यांना किरकोळ जखमा झाल्या आहेत. एका विद्यार्थ्याच्या डोक्याला देखील मार लागलाय. उपचारासाठी त्याला नागपूरात (Nagpur) हलवण्यात आलं आहे. चालकाचे नियंत्रण सुटल्याने बस उलटल्याची माहिती समोर आली आहे.