- अमर घटारे
Chandur Railway : तीन दिवसांपूर्वी अमरावती जिल्ह्यातील चांदूर रेल्वे शहरातील कुख्यात गुंड नइम याने अल्पवयीन मुलीला (girl) पळवून नेण्याची घटना घडली होती. आता या घटनेला वेगळे वळण लागलं असून पळवून नेलेल्या अल्पवयीन मुलीला घरी सोडल्यानंतर नइम खान याचा खून झाला. खान याची गुन्हेगारी पार्श्वभुमी असल्याची माहिती पाेलिसांनी दिली. या घटनेचा अधिक तपास पाेलीस (police) करीत आहेत. (chandur railway station news)
याबाबत मिळालेली माहिती अशी : पळवून नेलेल्या एका अल्पवयीन मुलीला घरी परत आणून देण्यासाठी काल गारुडी पुरा परिसरातील लोकांनी पोलीस स्टेशनला 24 तासाचे अलटीमेटम दिला हाेता. यावेळी शेकडो नागरिकांनी पोलिस स्टेशनला घेरलं हाेते.
खानची दहशत संपली
गुंड नईम खान हा चांदूर रेल्वे शहरातील गारुडी पुरा, शिवाजीनगर सह अनेकांची डोकेदुखी ठरत होता. अनेक बेकायदेशीर कामे त्याच्याकडून व त्याच्या साथीदारांकडुन केली जात असे. काहींची पाेलिसांत नाेंद हाेत असे काही जण घाबरुन पाेलीसांत जात नसे.
दाेन दिवसांपुर्वी खानने परिसरातीलच एका अल्पवयीन मुलीला तिच्या आई व बहिणीला चाकूचा धाक दाखवून जबरीने फिल्मस्टाईल पळवून नेले होते. त्यामुळं परिसरात पुन्हा एकदा भितीचे वातावरण निर्माण झाले हाेते. परंतु नागरिकांनी एकत्रित येऊन लढा देण्याचा निर्णय घेतला.
खानला अटक करून मुलीला परत आणून द्यावे यासाठी गुरुवारी परिसरातील शेकडो नागरिकांनी पोलीस ठाणे गाठलं. यावेळी नागरिकांनी पाेलिस ठाण्याला वेढा घातला. यावेळी पोलिसांनी नागरिकांना आश्वासित करुन तपास सुरू केला. दरम्यान मध्यरात्री खानचा खून झाला. या घटनेची माहिती शहरात आज सकाळी वा-या सारखी पसरली. खान याचा अज्ञातांनी खून केल्याची नाेंद तूर्तास पोलिसांनी केली आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
