Nallasopara : नालासोपाऱ्यात पुन्हा इमारतीचा स्लॅब कोसळला; अग्निशमन दलाकडून बचावकार्य सुरू

नालासोपारा येथे एका इमारतीचा स्लॅब कोसळ्याची घटना समोर आली आहे.
Nallasopara News
Nallasopara News Saam Tv

NallaSopara News : नालासोपारा येथे एका इमारतीचा स्लॅब कोसळ्याची घटना समोर आली आहे. या घटनेत ३५ हून अधिक लोक अडकली असून त्यांना बाहेर काढण्याचे काम अग्निशमन दलाच्या मदतीने सुरू आहे. या घटनेत कुणीही जखमी झाले नसल्याची माहिती पालिकने दिली आहे. सदर घटनेवने पुन्हा धोकादायक इमारतीचा प्रश्न ऐरणीवर आला आहे. (Latest Marathi News)

Nallasopara News
MP Rahul Shewale: मला ब्लॅकमेल करणाऱ्या महिलेचे पाकिस्तान, दाऊदशी संबंध; खासदार शेवाळेंचे शिवसेना-राष्ट्रवादीवर गंभीर आरोप

नालासोपारा (Nallasopara) पुर्वेच्या तुळींज परिसरातील साई निवास या एक मजली चाळीचा रविवारी सकाळी १० च्या सुमारात बालकनीचा भाग अचानक कोसळून खाली आला. यावेळी या वरांड्यात कुणी नसल्याने या अपघातात कुणी सापडले नाही. पण या इमारतीच्या पहिल्या मजल्यावर २१ सदनिका तर तळ मजल्यावर १० सदनिका आहेत.

रविवार असल्याने बहुतांश नागरिक घरात असल्याने दारासमोर स्लॅब कोसळल्याने घरातच अडकून पडले. घटनेची माहिती मिळताच अग्निशमन दल घटनास्थळी पोहचून लोकांना सुखरूप बाहेर काढण्याचे काम सुरू केले आहे.

Nallasopara News
Mumbai : कोरोनाकाळात बीएसमी अधिकाऱ्यांनी केला भ्रष्टाचार? भाजप आमदाराच्या आरोपाने खळबळ

या बाबत माहिती देताना पालिकेच्या सहायक आयुक्त विशाखा मोटघरे यांनी माहिती दिली की, सदर घटनेत कुणीही जखमी झाले नाही. सर्व रहिवाशांना बाहेर काढण्याचे काम सुरू आहे.

सदरची इमारत धोकादायक इमारत घोषित केली नसल्याचे त्यांनी सांगितले. तर रहिवाशांनी सहरची इमारत ही २५ वर्षे जुनी असल्याची माहिती दिली. यामुळे ही इमारत धोकादायक असतानाही पालिकेच्या यादीत याची कोणतीही नोंद नसल्याने शहरातील धोकादायक इमारतीचा प्रश्न पुन्हा चर्चेला आला आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com