नागपुर शहरातील ३०१ स्वातंत्र्य सैनिकांच्या घरासमोर लावण्यात येणार नाम फलक

स्वातंत्र्याच्या अमृत महोत्सवी वर्षानिमित्त नागपूर महापालिकेतर्फे शहरातील ३०१ स्वातंत्र्य सैनिकांविषयी माहिती आणि आदर निर्माण व्हावा यासाठी त्यांचा घरापुढे नामफलक लावण्यात येत आहेत.
Nagpur Mahapalilka
Nagpur MahapalilkaSaamTvNews

नागपूर : स्वातंत्र्याच्या अमृत महोत्सवी वर्षानिमित्त नागपूर महापालिकेतर्फे शहरातील ३०१ स्वातंत्र्य सैनिकांविषयी माहिती आणि आदर निर्माण व्हावा यासाठी त्यांचा घरापुढे नामफलक लावण्यात येत आहेत. नागपूर (Nagpur) महानगरपालिकेतर्फे 'प्रशासन स्वातंत्र्य सैनिकांच्या दारी' हा उपक्रम सुरू करण्यात आला असून या उपक्रमाच्या माध्यमातून नागपूर शहरातील तब्बल 301 स्वातंत्र्य सैनिकांचा घरी भेट देऊन घरासमोर नामफलक लावण्यात येत आहेत. या भेटी दरम्यान स्वातंत्र्य सैनिकांनी (Freedom Fighters) दिलेल्या योगदानाबद्दल मनपा तर्फे कृतज्ञता व्यक्त करण्यात येत आहे.

हे देखील पहा :

या उपक्रमाला शहिद शंकरराव महाले यांच्या घरापासून सुरुवात करण्यात आली असून स्वातंत्र्य सैनिकांचा कुटुंबियांनी या उपक्रमाचे स्वागत केले आहे. शहिद शंकरराव महाले यांनी १९४२ च्या भारत छोडो आंदोलनात इंग्रज सरकारच्या विरोधात भाग घेतला होता. त्यांचे वडील दाजीबाजी महाले यांना या आंदोलनात गोळी लागली होती. त्या विरोधात नागरिकांनी नवाबपुराच्या पोलीस चौकीमध्ये आग लावली होती. या आंदोलनाचे नेतृत्व शहिद शंकर महाले यांनी केले होते. त्याविरोधात इंग्रजांनी त्यांना अटक करून फाशीची शिक्षा सुनावली होती.

Nagpur Mahapalilka
NeoCov या नव्या व्हेरियंटमुळे होईल मृत्यूतांडव!चीनच्या वुहानमधील शास्त्रज्ञांचा धोक्याचा इशारा

मात्र, त्यावेळी शंकरराव केवळ १६ वर्षाचे होते. पुढे दोन वर्ष त्यांना कारागृहात ठेवून नंतर फाशी देण्यात आली. स्वातंत्र्य चळवळीतील आंदोलनात देशात सर्वात कमी वयात शंकरराव महाले यांनी देशासाठी प्राण अर्पण केले. फाशीची शिक्षा होण्यापूर्वी आईची भेट झाली तेव्हा रडत असणाऱ्या आईची शंकररावांनी समजून काढताना सांगितले होते की, ‘मी तुमच्या पोटी पुन्हा जन्म घेईन.’ शंकरराव महाले यांच्या पुतळ्याचे अनावरण देशाचे पहिले पंतप्रधान जवाहरलाल नेहरू यांनी केले होते. यावेळी त्यांच्यासोबत इंदिरा गांधी सुद्धा होत्या, असे त्यांच्या परिवारातर्फे सांगण्यात आले. लाल किल्ल्यावर सुद्धा शंकर महाले यांचे तैलचित्र लावण्यात आले आहे.

Edited By : Krushnarav Sathe

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com