प्रज्ञा सातव यांना बिनविरोध निवडून आणण्याचा प्रयत्न करणार- नाना पटोले

काँग्रेसचे दिवंगत नेते राजीव सातव (Rajiv Satav) यांच्या पत्नी प्रज्ञा सातव (Pradnya Satav) यांना विधान परिषदेची उमेदवारी जाहीर करण्यता आली आहे.
प्रज्ञा सातव यांना बिनविरोध निवडून आणण्याचा प्रयत्न करणार- नाना पटोले
प्रज्ञा सातव यांना बिनविरोध निवडून आणण्याचा प्रयत्न करणार- नाना पटोले Saam Tv

वर्धा: काँग्रेसचे दिवंगत नेते राजीव सातव (Rajiv Satav) यांच्या पत्नी प्रज्ञा सातव (Pradnya Satav) यांना विधान परिषदेची उमेदवारी जाहीर करण्यता आली आहे. काँग्रेसने आज या बाबत अधिकृत घोषणा केली आहे. काँग्रेसचे नेते शरद रणपिसे यांचं निधन झालं. त्यामुळे रणपिसे यांच्या निधनाने रिक्त झालेल्या जागेवर प्रज्ञा सातव यांची वर्णी लागली आहे. विरोधी पक्षाशी चर्चा करून प्रज्ञा सातव यांना बिनविरोध निवडून आणण्याचा प्रयत्न करणार असल्याचं प्रदेश अध्यक्ष नाना पटोले म्हणाले.

प्रज्ञा सातव यांना बिनविरोध निवडून आणण्याचा प्रयत्न करणार- नाना पटोले
नारंगी ग्रामस्थ पीत आहेत गढूळ पाणी; ग्रामस्थांना जडल्या चर्मरोगाच्या व्याधी

प्रज्ञा सातव या महाविकास आघाडीच्या उमेदवार आहेत. राजीव सातव हे काँग्रेसचे युवक नेते होते त्यांचा सर्वांशी जवळचा परिचय होता. यामुळे ही निवडणूक बिनविरोध व्हावी म्हणून प्रयत्न करणार आहे. निवडणूक बिनविरोध करण्यासाठी विरोधी पक्षाशी चर्चा करणार असल्याचं नाना पटोले म्हणाले. ते वर्धेच्या सेवाग्राम येथे पत्रकारांशी बोलत होते. यावेळी पालकमंत्री सुनील केदार, आमदार रणजित कांबळे उपस्थित होते.

काँग्रेस नेते राजीव सातव यांचं निधन झाले होते, त्यांनंतर राज्यसभेच्या रिक्त झालेल्या जागेवर प्रज्ञा सातव यांचं नाव चर्चेत होतं परंतु त्यावेळी रजनी पाटील यांना उमेद्वारी दिली आणि त्या निवडून आल्या. त्यावेळीही भाजपने आपला उमेदवारी अर्ज मागे घेतला होता. यावेळीही भाजपला विनंती करुन विधान परिषदेचीही निवडणूक बिनविरोध करण्याचा प्रयत्न करणार असल्याचं पटोले म्हणाले.

Edited By: Pravin Dhamale

Related Stories

No stories found.
Latest and Breaking News in Marathi | Live Marathi News Updates | live tv streaming in Marathi | Saam TV
www.saamtv.com