Navapur: गोडाऊनला भीषण आग; इलेक्ट्रॉनिक वस्तूंचा कोळसा, अग्निशमन दलाचा एक जवान जखमी

इलेक्ट्रॉनिक्स गोडाऊनला भीषण आग; इलेक्ट्रॉनिक वस्तूंचा कोळसा, अग्निशमन दलाचा एक जवान जखमी
Navapur: गोडाऊनला भीषण आग; इलेक्ट्रॉनिक वस्तूंचा कोळसा, अग्निशमन दलाचा एक जवान जखमी
Firesaam tv

नंदुरबार : नवापूर शहरातील मुख्य रस्त्यावर असलेल्या विजय इलेक्ट्रॉनिक्स दुकान व गोडाऊनला सकाळी साडेपाचच्‍या सुमारास भीषण आग लागली. आगीवर नियत्रंण मिळवण्याचे प्रयत्न सुरू आहेत. या आगीत टीव्ही, फ्रिजसह इलेक्ट्रॉनिक वस्तूंचा कोळसा झाला आहे. (nanadurbar news fire at an electronics godown Electronic goods coal a firefighter injured)

Fire
धक्कादायक : रेती माफियांनी घरात घुसून पाजलं तरुणाला विष; तरुणाची प्रकृती गंभीर

नवापूर (Navapur) शहरातील विजय इलेक्ट्रॉनिक्स दुकान आणि गोडाऊनला भीषण आग (Fire) लागली. यामुळे नागरिकांसह प्रशासनाची धावपळ उडाली. दुकानमालक हेमंत सोनवणे यांना आग लागल्याचे कळताच त्यांनी शंभर मीटर अंतरावर असलेल्या पोलीस (Police) स्टेशनला धाव घेतली त्यांनी अग्निशमन दलाला फोन करायला लावला असता फोन बंद येत असल्याने त्यांना प्रत्यक्ष जावे लागले. त्यानंतर चालक उपलब्ध नसल्याने अर्धा तास उशिराने अग्निशमन दल घटनास्थळी पोहोचेपर्यंत आगीने रौद्ररूप धारण केल्याने दुकानातील लाखो रुपयांचा सामान जळून खाक झाला आहे.

गुजरातचे अग्निशमन दल दाखल

आग विझवण्यासाठी नवापूर, नंदुरबार (Nandurbar) आणि गुजरात (Gujrat) राज्यातील जवळील सोनगड येथील अग्निशमन दलाला पाचारण करण्यात आले होते. अग्निशामक दलाच्या (Fire Brigade) वतीने आगीवर नियंत्रण मिळवले आहे, परंतु भीषण आगीत इलेक्ट्रॉनिक्स दुकानातील टीव्ही फ्रिजसह लाखो रुपयांच्या वस्तू जळून खाक झाल्याने मोठे नुकसान झाले आहे.

अग्निशमन दलाचा जवान जखमी

आगीत कोणतीही जीवित हानी झालेली नसून आगीवर नियंत्रण मिळवतांना अग्निशमन दलाचा एक जवान जखमी झाल्याची माहिती आहे. घटनास्थळी नवापूर पोलीस व स्थानिक प्रशासन दाखल झाले असून पुढील कार्यवाही सुरू आहे. सदर दुकान व गोडावूनात मोठ्या प्रमाणात इलेक्ट्रॉनिक वस्तू असल्याने आग शॉर्टसर्किटमुळे लागली असल्याचा अंदाज प्रथमदर्शनी व्यक्त करण्यात येत आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.