Crime News: नांदेड ऑनर किलिंग: मैत्रिणींना संशय आला अन्‌ समोर आली महाराष्ट्राला हादरवणारी घटना

नांदेड : नांदेडमध्ये ऑनर किलिंगचा प्रकार समोर आला. मुलीचे प्रेमसंबंध उघडकीस आल्याने भावी डॉक्टर मुलीचा वडील, भाऊ, मामा आणि दोन चुलत भावांनी मिळून गळा आवळून (Crime News) खुन केला. त्यानंतर शेतात नेऊन जाळून टाकले. शुभांगीच्या मैत्रिणींना काही तरी गडबड झाल्याचे लक्षात आल्‍यामुळे शुभांगीच्‍या मृत्‍यूचे कारण समोर आले आहे. (Live Marathi News)

नांदेड शहरापासून जवळच असलेल्या पिंपरी महिपाल येथील शुभांगी जोगदंड आणि अमोल कदम यांच्यात प्रेम संबध जुळले होते. दोघेही नांदेडच्या आयुर्वेदिक कॉलेजमध्ये बीएएमएसचे शिक्षण घेत होते. दरम्यानच्या काळात शुभांगीचे लग्न जमलं होते. मात्र, शुभांगी आणि अमोलच्या प्रेम संबंधाची बाब पुढे आल्याने हे लग्न मोडले. याचा राग मनात होता.

राग मनात धरुन समाजात आपली बदनामी होत असल्याने शुभांगीला २२ जानेवारीला वडील जनार्दन जोगदंड, भाऊ केशव जोगदंड, मामा गिरधारी जोगदंड, कृष्णा आणि गोविंद या चुलत भाऊ अशा पाच जणांनी शुभांगीचा गळा अवळून खुन केला. त्यानंतर तिचा मृतदेह पोत्यात भरुन शेतात नेऊन जाळला. तसेच राख, अस्थी जवळच्या नदीत सोडले.

मैत्रिणींच्‍या लक्षात आल्‍याने घटना उघड

शुभांगीच्या मैत्रिणींना काही तरी गडबड झाल्याचे लक्षात आल्याने मैत्रिणीने महिला आयोगाकडे तक्रार केली. तसेच गावच्या पोलिस पाटलांनी पोलिसांना माहिती दिल्यानंतर या तक्रारी वरुन ऑनर किलिंगची धक्कादायक घटना समोर आली.