>>संजय सूर्यवंशी, नांदेड
Nanded delivery boy beaten CCTV video : नांदेड शहरातील बजरंग नगर येथे झोमटो कंपनीच्या डिलिव्हरीबॉयला काही तरुणांनी बेदम मारहाण केल्याची घटना घडली आहे. ही घटना होळीच्या दिवशी घडली. यावेळी रंगाने माखलेल्या तरुणांनी एका डिलिव्हरी बॉयला लाथा-बुक्यांनी मारहाण केली. त्यातील एकाने मोठी काठी मारल्याने डिलिव्हरी बॉय गंभीर जखमी झाला.
या मारहाणीचा सीसीटीव्ही व्हिडिओ सोशल मीडियावर व्हायरल झाला आहे. अमरान तांबोळी असे या डिलिव्हरी बॉयचे नाव आहे. तो होळीच्या दिवशी बजरंगनगर येथे पार्सल देण्यासाठी गेला होता. पार्सल देउन तो पैसे घेण्यासाठी थांबला तेव्हा तेथे रंगाने माखलेले चार तरुण आले आणि त्यांनी अमरानला मारहाण करण्यास सुरूवात केली.
या तरुणांनी अमरानला तो गाडीवर बसलेला असताना अचनाक आधी लाथा-बुक्यांनी मारहान करण्यास सुरुवात केली. त्यानंतर त्यातील एकाने मोठी घेऊन त्याच्या पाठीत मारली. यामुळे तो गंभीर जखमी झाला. यानतंर या युवकांनी दगडफेक देखील केली. त्यात अमरान गंभीर जखमी झाला. (Latest Marathi News)
या घटनेनंतर अमरानने त्याच दिवशी सायंकाळी विमानतळ पोलीस ठाण्यात तक्रार देखील केली. या घटनेचा व्हिडियो व्हायरल झाल्यानंतर पाच दिवसांनी विमानतळ पोलिसांनी या प्रकरणी गुन्हा दाखल करुन एकाला अटक केली आहे. तर इतर तिघांचा शोध पोलिस घेत आहेत. (Crime News)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
