संजय सूर्यवंशी
नांदेड : वाहनाचे थकीत बिल काढून देण्याच्या मागणीसाठी पाच हजार रुपयांची मागणी केली होती. पाच हजाराची (Bribe) लाच स्वीकारताना सीबीआयच्या लाच लूचपत विभागाने एका (Railway) रेल्वे अधिकाऱ्याला अटक केली. एम शिवय्या असं या अधिकाऱ्याचे नाव आहे. सीबीआयच्या पथकाने ही कारवाई केली आहे. (Tajya Batmya)
नांदेड, छत्रपती संभाजीनगर आणि पुणे रेल्वे विभागात तक्रारदाराने आपले पिकअप वाहन उपलब्ध केले होते. या वाहनासाठी महिन्याला प्रत्येकी वाहनाला ४७ हजार ९९९ भाडे रेल्वे विभागाकडून दिले जाणार होते. मात्र मागील दोन वर्षापासून तक्रारदाराला वाहनाच्या भाड्याची रक्कम मिळाली नव्हती. भाड्याचे थकलेले जवळपास ३४ लाख ५५ हजार ९२८ रुपये बिल झाले होते. थकीत बिल मिळवण्यासाठी तक्रारदाराने इलेट्रिकल विभागातील वरिष्ठ अभियंता एम.शिवय्या यांच्याकडे मागणी केली होती. यावेळी एम. शिवय्या यांनी दहा हजार रुपयाची मागणी केली होती.
पथकाने रंगेहाथ पकडले
मागणी केलेल्या रक्कमेत पाच हजार हजार रुपये अगोदर घेतले होते. उर्वरित पाच हजार रकमेसाठी तगादा लावला जातं होता. त्यामुळे तक्रारदाराने ७ सप्टेबरला पुणे येथील (ACB) सीबीआयच्या लाच लुचपत विभागाकडे तक्रार केली. त्यानुसार सीबीआयच्या पथकाने सोमवारी सापळा रचला आणि कार्यालयात तक्रारदाराकडून लाचेची उर्वरित रक्कम घेताना अधिकाऱ्याला रंगेहात अटक केली. पूर्णा येथील अधिकाऱ्यावर देखील या पथकाने कारवाई केल्याची माहिती आहे. दरम्यान मंगळवारी अधिकाऱ्याला नांदेडच्या न्यायालयात हजर करण्यात आले असता न्यायलयाने अधिकाऱ्याला १४ सप्टेंबरपर्यंत पोलीस कोठडी सुनावली आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
