लॉटरी लागल्‍याचे अमिष दाखवून दीड लाखात फसवले

नांदेड : नांदेडमध्ये एका भामट्याने मुरमुरा विक्रेत्याला लॉटरी लागल्याचे आमिष दाखवून दिड लाख रूपयात फसवल्याची घटना घडली. हिमायतनगर शहरातील शंकरनगर येथे आज ही धक्कादायक (Crime) घटना घडली. (nanded news cheated Rs one and half lakh by showing the lure of winning the lottery)

नांदेडमधील (Nanded) शंकरनगर येथील मुरमुरे विक्रेते विष्णू उत्त्तरवार हे सकाळी कामासाठी बाहेर निघत होते. यावेळी एक काळा टिशर्ट आणि जिन्स पॅन्ट घातलेला तरुण दुचाकीवर आला. तुम्हाला लॉटरी लागली आहे. स्कुटी आणि सोने (Gold) मिळणार आहे. तुमच्या जवळील दागिने सोनाराकडे जाऊन वजन करायचे आहे.

दुचाकीवर नेत उतरविले रस्‍त्‍यावर

तुम्ही दागिने घेऊन चला असे म्हणून त्या भामट्याने भुरळ घालून उत्तरवार यांना दुचाकीवर घेऊन घराबाहेर पडला. काही दुरवर गेल्यानंतर भामट्याने उत्तरवार यांना दुचाकीवरून उतरवले आणि भामटा सोन्याचे दागिने आणि उत्तरवार यांचा मोबाईल हिसकावून घेऊन पसार झाला. या प्रकरणी विष्णु उत्त्तरवार यांनी दिलेल्या तक्रारीवरून हिमायतनगर (Police) पोलिस ठाण्यात गुन्हा दाखल करण्यात आला आहे.