Nanded News: पैनगंगा नदीतील धोकादायक प्रवास संपणार; ४० वर्षांपासून होती प्रतिक्षा

संजय सूर्यवंशी

नांदेड : मराठवाडा आणि विदर्भाला जोडणाऱ्या पैनगंगा नदीतून धोकादायक प्रवास सुरू होता. परंतु, हा धोकादायक प्रवास आता (Nanded News) संपणार आहे. पुल बांधकामास ५५ कोटी रुपये मंजूर करण्यात आल्याने गावकऱ्यांनी राज्य शासनाचे तसेच लोकप्रिनिधींचे आभार मानले. (Breaking Marathi News)

नांदेड जिल्ह्यातील हदगाव तालुक्यातील वाटेगाव ते कारखेड ह्या दोन गावानं सोबतच मराठवाडा ते विदर्भाला जोडणाऱ्या पैनगंगा नदीवरील पुलाच्या बांधकामास राज्य सरकारने ५५ कोटी रुपये मंजूर केले आहेत. मागील अनेक वर्षापासून या ठिकाणी पुल बाधण्याची मागणी दोन्हीकडील गावकऱ्यांनी होती. या नदीतून तराफ्याच्या साहाय्याने या दोन्ही गावातील गावकरी जीवघेणा प्रवास करीत होते.

४० वर्षापासून होती मागणी

जवळपास ४० वर्षापासून मागणी करत असलेल्या या गावकऱ्यांना अखेर न्याय मिळाला. या पैनगंगा नदीवर आता ५५ कोटी रुपये खर्च करून पुल बांधण्यासाठी राज्य शासनाने मंजुरी दिली आहे. या घोषणेनंतर राज्य शासन तसेच लोक्रतिनिधींचे गावकऱ्यांनी आभार मानले.