नांदेड : नांदेडमध्ये बंडखोरीच्या तयारीत असलेल्या आणि सध्या गुवाहाटी येथे एकनाथ शिंदेच्या गटात असलेले नांदेड उत्तरचे आमदार बालाजी कल्याणकर यांना शिवसेना पक्षाकडून व्हिप बजावण्यात आली आहे. शिवसेना (Shiv Sena) नेते सुनिल प्रभु यांनी ही व्हिप पाठवली आहे. (nanded news shiv sena whips MLA Balaji Kalyankar Order to attend the meeting)
शिवसेनेचे नेते एकनाथ शिंदे (Eknath Shinde) यांनी बंडखोरी केल्यानंतर राज्यातील शिवसैनिक संतप्त झाले आहेत. राज्यातील राजकारण देखील ढवळून गेले आहे. एकनाथ शिंदे शिवसेनेच्‍या काही आमदारांनी देखील बंडखोरी केली असून यात नांदेड (Nanded) उत्‍तरच आमदार बालाजी कल्याणकर हे देखील आहेत. यामुळे त्यांना पक्षाकडून व्‍हीप बजाविली आहे.
बैठकीला उपस्थित राहण्याबाबत व्‍हीप
नांदेडचे शिवसेनेचे दत्ता कोकाटे, उमेश मुंडे आणि आनंदा बोंढारे अशा तीनही जिल्हा प्रमुखांनी आमदार बालाजी कल्याणकर यांच्या कार्यालयात जाऊन व्हिप बजावली आहे. सायंकाळी पाच वाजता शिवसेनेचे पक्ष प्रमुख उध्दव ठाकरे हे शिवसेना आमदारांची बैठक घेत आहेत. बैठकीला प्रत्यक्ष हजर रहावे अन्यथा ऑनलाईन बैठकीला उपस्थित रहावे; अशा पध्दतीचे व्हिप आहे. दरम्यान, जिल्हा प्रमुख दत्ता कोकाटे यांनी बालाजी कल्याणकर यांच्या पत्नीशी फोनवरुन चर्चा केली असता त्यांना जबरदस्तीने घेऊन गेले आहेत असे सांगितले.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
