नांदेड : सुमारे महिन्यापुर्वी महाराष्ट्रात सत्ता पालट झाले. त्यानंतर मुख्यमंत्री एकनाथ शिंदे यांच्या गटाचे समर्थक आणि माजी मुख्यमंत्री उद्धव ठाकरे यांच्या समर्थकांत ग्रामपंचायत ते विधान भवनापर्यंत रस्साीखेच सुरु झाली आहे. अनेक शिवसैनिक शिंदे गटात (Eknath Shinde) सहभागी हाेऊ लागले आहेत. तर शिंदे गटाचे सैनिक शक्तीप्रदर्शन करीत मुख्यमंत्र्यांना आम्ही तुमच्या समवेत आहाेत असा विश्वास देताहेत. (Nanded Latest Marathi News)
नांदेड येथील मुख्यमंत्री एकनाथ शिंदे यांच्या गटाचे शिवसेनेचे दोन जिल्हाप्रमुख शेकडो समर्थकांसह मुंबईला रवाना झाले आहेत. यातील काही प्रमुख पदाधिकाऱ्यांचा मुख्यमंत्र्यांच्या उपस्थितीत नंदनवन बंगल्यावर प्रवेश होणार आहे.
साधारणतः तीनशे शिवसैनिक हे वेगवेगळ्या गाड्यांनी मुंबईकडे रवाना झाले आहेत. काही जण रेल्वेनं मुंबईला जात आहेत. एक प्रकारे नांदेडच्या शिंदे गटाचे उद्या मुंबईत शक्तीप्रदर्शनच असणार आहे.
आगामी काळात राज्यपाल नियुक्त विधान परिषदेच्या जागेसाठी हे शक्तीप्रदर्शन असल्याचे बोललं जातंय. उद्या दुपारी एक वाजता मुख्यमंत्र्यांनी आम्हाला भेटीचे वेळ दिल्याचे आनंदराव बोंडारकर (जिल्हाप्रमुख) आणि उमेश मुंडे (जिल्हाप्रमुख) यांनी नमूद केले.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.