Nandurbar Condemns Manipur Incident : शहादात समाजकंटकांची बसवर दगडफेक, नंदुरबार जिल्ह्यात आज कडकडीत बंद

- सागर निकवाडे

Nandurbar News : नंदुरबार जिल्हा बंदला आज (बुधवार) शंभर टक्के प्रतिसाद मिळाला आहे. दरम्यान शहादा मधील एसटी वरील दगडफेक वगळता सर्वत्र शांततेत बंद आहे. कायदा व सुवव्यवस्था बिघडू नये यासाठी जिल्ह्यात पाेलिसांचा तगडा बंदाेबस्त आहे. (Maharashtra News)

मणिपूर (manipur incident) येेथे आदिवासी महिलांवरील अत्याचाराच्या निषेधार्थ नंदुरबार जिल्ह्यातील 17 आदिवासी संघटनांनी एकत्र येत नंदुरबार जिल्हा बंदची हाक दिली हाेती. त्यानूसार आज (बुधवार) नंदुरबार जिल्ह्यात कडकडीत बंद पाळण्यात येत आहे.

दरम्यान शहादा येथे एसटीवर काही समाजकंटकांनी दगडफेक केली. यामुळे एकच खळबळ उडाली. परिणामी शहादा येथे तणावाचे वातावरण निर्माण झाले हाेते. आजच्या बंदमुळे बाजार समिती ही बंद ठेवण्यात आल्या आहेत. नंदुरबार जिल्ह्यातील परिस्थिती चिघळू नये यासाठी पाेलिसांचा तगडा बंदाेबस्त आहे.

Edited By : Siddharth Latkar