नंदुरबार - शहादा (Shahada) तालुक्यातील पाडळदा येथे अल्पवयीन मुलीवर अत्याचार झाल्याची हृदयदावक घटना घडली आहे. यामुळे परिसरात चर्चेला उधाण आले आहे. १२ जुलै २०२२ रोजी १२ वाजेच्या सुमारास एक १४ वर्षीय अल्पवयीन मुलगी घरात एकटी असतांना एका नराधमाने घरात घुसुन अल्पवयीन मुलीवर अत्याचार केला व तिला जिवे ठार मारण्याची धमकी दिली.
हे देखील पाहा -
तसेच दिनांक १४ जुलै २०२२ रोजी ११ वाजेच्या सुमारास मुलगी घरात एकटी असतांना नराधमाने घरात घुसुन विनयभंग केला व जिवे ठार मारण्याची धमकी दिली. मुलगी अल्पवयीन आहे हे माहीत असताना देखील नराधमाने दोन वेळेस तिच्यावर लैंगिक अत्याचार केला म्हणुन संबधीत मुलीने आरोपी विरूद्ध स्वतः शहादा पोलीस स्टेशन येथे जावून फिर्याद दिली आहे.
मुलीने दिलेल्या फिर्यादीनुसार शहादा पोलीस ठाण्यात गुन्हा दाखल करण्यात आला आहे. 470/2022 भादवी कलम 376, 354, 452, 506 लैंगिक अपराध संरक्षण अधिनियम 4, 8, 12 प्रमाणे गुन्हा दाखल झाला आहे. घटनास्थळी उपविभागीय पोलीस अधिकारी संभाजी सावंत व शहादा पोलीस निरीक्षक दीपक बुधवंत यांनी भेट दिली आहे. घटनेचा अधिक तपास पोलीस उपनिरिक्षक माया राजपूत हे करीत आहेत.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.