धडगाव (नंदुरबार) : पती त्यांच्या पत्नीसह मुलांना मारहाण करीत असतांना ते भांडण सोडविण्यासाठी गेलेल्या शेजारी महिलेलाच सिलिंग फॅनच्या लोखंडी रॉडने मारून खून (Crime News) केल्याची घटना घडली. सदर घटना अक्कलकुवा (Akkalkuwa) तालुक्यातील भांग्रापाणी येथे घडली. याबाबत मोलगी पोलिस ठाण्यात खूनाचा गुन्हा दाखल करण्यात आला आहे. (Maharashtra News)
भांग्रापाणी (नंदुरबार) येथे ११ एप्रील रात्री अकरा ते बाराच्या सुमारास वसंत होमा वसावे हा त्याची पत्नी व मुलांना राहत्या घरी मारहाण करीत होता. या दरम्यान शेजारी राहत असलेली सिंदाबाई सेमट्या वसावे व सेमट्या पारशी वसावे हे भांडण सोडविण्यास गेले. याचा राग येऊन वसंत वसावे याने सीलिंग फॅनच्या लोखंडी मोटारीसह असलेल्या दांड्याने तोंडावर व पायावर मारून गंभीर दुखापत केली.
महिलेचा मृत्यू
या मारहाणीत सिंदाबाई सेमट्या वसावे (वय ६०) यांचा मृत्यू झाला, तर सेमट्या पारशी वसावे यास देखील गंभीर दुखापत करून ठार करण्याचा प्रयत्न केला. या प्रकारावरून सेमट्या वसावे यांच्या फिर्यादीवरून मोलगी पोलिस ठाण्यात वसंत होमा वसावे याच्याविरोधात गुन्हा दाखल करण्यात आला आहे. संशयित आरोपीस अटक करण्यात आली आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.