माउंट एवरेस्ट चढाईसाठी सातपुड्यातील गिर्यारोहक अनिल वसावे यांची निवड

नंदुरबार : अक्कलकुवा तालुक्यातील बालाघाट येथील रहिवासी सातपुड्याचे सुपूत्र अनिल वसावे आता जगातील सर्वात उंच शिखर माऊंट एव्हरेस्टवर चढाई करणार आहेत. या मोहिमेसाठी त्यांची निवड झाली आहे. त्याच्या निवडीचे सर्वत्र कौतुक (Nandurbar News) करण्यात येत आहे. (nandurbar news Anil Vasave has been selected for climbing Mount Everest)

एव्हरेस्टवीर आनंद बनसोडे याच्या मार्गदर्शनाखाली ७ एप्रिल ते ७ जून २०२३ दरम्यान चढाई करणार आहेत. अनिल वसावे यांनी आतापर्यंत अफ्रिका खंडांतील उंच शिखर किलोमांजरी व युरोप खंडातील उंच शिखर माऊंट एलबर्स व माऊंट एव्हरेस्ट बेस कॅम्प सर केले आहे. अशी कामगिरी करणारे ते पहिले आदिवासी तरुण आहेत.

३५ लाख रक्कमेची आवश्यकता

आता जगातील सर्वात उंच शिखर माउंट एव्हरेस्ट सर करुन एक नवीन कामगिरी करून तो सातपुड्याच्या नाव उंचावणार आहे. अनिल वसावे यांना विविध मोहिमांसाठी आतापर्यंत मित्रपरिवार व आदिवासी विकास विभागामार्फत मदत करण्यात आली असून माउंट एवरेस्ट चढाई करण्यासाठी आता त्याला ३५ लाख एवढी मोठी रक्कमेची आवश्यकता आहे. त्यासाठी शासन, विविध कंपन्या, मित्रपरिवार आणि संस्थांकडे अनिल वसावे यांनी मदतीचे आवाहन केले आहे.