Navapur News: ‘एलसी’साठी लाच; दुरुस्तीसाठी मुख्याध्यापकाने मागितले सोळाशे रुपये

‘एलसी’साठी लाच; दुरुस्तीसाठी मुख्याध्यापकाने मागितले सोळाशे रुपये
Navapur News Bribe
Navapur News BribeSaam tv

नवापूर (नंदुरबार) : सुळी (ता. नवापूर) येथील माध्यमिक विद्यालयातील माजी विद्यार्थ्यांकडून शाळा सोडण्याचा दाखला व मार्कशीट देण्यासाठी मुख्‍याध्‍यापकाने पैशांची मागणी केली. सोळाशे रुपयांची लाच (Bribe) घेताना मुख्याध्यापक नंदलाल शांताराम शिनकर (रा. साईनगरी, मेन रोड, नवापूर) यास नंदुरबारच्या (Nandurbar) लाचलुचपत प्रतिबंधक विभागाने रंगेहात पकडले. (Live Marathi News)

Navapur News Bribe
Crime News: पैशाच्या वादातून मैत्रीचा खुन; तिघांनी मिळून मारत मृतदेह फेकला कालव्‍यात

पिलखोड (ता. चाळीसगाव) येथील तक्रारदाराने २०१७- २०१८ या वर्षी सुळी येथील माध्यमिक विद्यालयात दहावीचे शिक्षण घेतले आहे. तक्रारदार हे त्यांचा शाळा सोडल्याचा दाखला व मार्कशीट घेण्यासाठी माध्यमिक विद्यालय, सुळी येथे गेले. यावेळी मुख्याध्यापक नंदलाल शिनकर यांने त्यांच्याकडून १४ जानेवारीला पाच हजार रुपये घेऊन शाळा सोडल्याचा दाखला दिला.

दाखल्‍यावर नाव चुकीचे

तक्रारदार यांच्या शाळा सोडल्याच्या दाखल्यावर त्यांच्या आईचे नाव चुकीचे होते. चुकीचे नाव दुरुस्त करून घेण्यासाठी व दहावीचे मार्कशीट घेण्यासाठी तक्रारदाराने मुख्याध्यापकांना पुन्हा विनंती केली. मुख्याध्यापक शिनकर याने तक्रारदाराकडून शाळा सोडल्याच्या दाखल्यावरील आईचे नाव दुरुस्त करून देणे व नाशिक येथील बोर्ड कार्यालयातून त्यांचे मार्कलिस्ट आणून देण्याच्या मोबदल्यात पुन्हा दोन हजारांची मागणी केली. याबाबत तक्रारदाराने नंदुरबार लाचलुचपत प्रतिबंधक विभागाचे पोलिस उपअधीक्षक राकेश चौधरी यांच्याशी संपर्क साधला. यानंतर सापळा रचून तक्रारदाराकडून सोळाशे रुपयाची लाच स्वीकारताना मुख्याध्यापक शिनकर यांना रंगेहाथ पकडण्यात आले.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com