Nandurbar: सरपनी नदीला पुर; पुलावरील वाहतूक पाचव्यांदा बंद

सरपनी नदीला पुर; पुलावरील वाहतूक पाचव्यांदा बंद
Nandurbar News
Nandurbar NewsSaam tv

नंदुरबार : नागपूर- धुळे- सुरत राष्ट्रीय महामार्ग क्रमांक सहावरील नवापूर तालुक्यातील विसरवाडी गावाजवळील सरपनी नदीचा पूल पुन्हा पुराच्या पाण्याखाली गेला आहे. यामुळे पाचव्यांदा या पावसाळ्यात अवजड वाहतूक बंद झाली आहे. (Nandurbar Navapur Rain)

गेल्या २४ तासापासून जिल्ह्यात पावसाची संततधार सुरू आहे. काही विभागामध्ये मुसळधार पाऊस सुरू आहे. नवापूर तालुक्यातील विसरवाडी येथील सरपनी नदीला पूर आल्याने राष्ट्रीय महामार्गावरील कच्च्या पुलावरून पुराचे पाणी जात आहे. विसरवाडी पोलिसांनी दक्षता घेत महामार्गावरील वाहतूक बंद केली आहे. त्यामुळे दोन्ही बाजूला वाहनांच्या लांबच लांब रांगा लागल्या आहे.

राष्ट्रीय महामार्ग क्रमांक सहाचे चौपदरीकरणाचे काम सुरू असून विसरवाडी सरपनी नदीवरील पुलाचे काम पावसाळ्यापूर्वी ठेकेदार जे एम म्हात्रे कंपनीने सुरू केले होते. मोठा पूल अर्धवट असल्याने तात्पुरता कच्चा पूल नदीच्या प्रवाहातून माती टाकून तयार केला आहे. परंतु पूल वारंवार वाहून जात असल्याने. वाहन चालक व स्थानिक नागरिक शेतकऱ्यांना सदर पूल गैरसोयीचा ठरत आहे. त्यामुळे शासनाने आता तरी दखल घेऊन ठोस उपाययोजना करणे गरजेचे आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com