Nandurbar: दरीतून झोळी करून रुग्णांना नेणाऱ्या गावात होणार रस्ता; प्रशासनाने घेतली दखल

दरीतून झोळी करून रुग्णांना नेणाऱ्या गावात होणार रस्ता; प्रशासनाने घेतली दखल
Nandurbar Taloda News
Nandurbar Taloda NewsSaam tv

नंदुरबार : सातपुडा दुर्गम भागातील कुयलीडाबर गावात रस्ता नसल्याने गेल्या आठवड्यात गरोदर मातेला प्रसूतीकरिता डोंगरदऱ्यातून बांबूची झोळी करून जीवघेणा प्रवास करत असल्याचा धक्कादायक (Nandurbar News) प्रकार समोर आला होता. यानंतर प्रशासनाला जाग आली आहे. आता या गावात जाण्यासाठी रस्‍ता तयार केला जाणार आहे. (Nandurbar Taloda News)

Nandurbar Taloda News
विटा पोलिसांची दमदार कामगिरी, ५ घरफोड्या उघडकीस; सातारा, सांगलीतील युवक अटकेत

तळोदा (Taloda) तालुक्यातील सातपुडा पर्वतरांगेतील कुयरीडाबर ते केलवापाणी चार किलो मीटर दुर्गम रस्त्याचे प्रधानमंत्री ग्राम सडक योजनेतून संबंधित यंत्रणेने पाहणी केली असून रस्त्यासाठी साधारण दहा कोटी रुपयांचा निधी खर्च करून रस्ता तयार करण्यात येणार असल्याची माहिती देण्यात आली आहे. रस्त्याच्या सर्वेक्षणाचे काम हाती घेतल्यानंतर कुयरीडाबर व पालाबार आदिवासी पाड्यांवरील नागरिकांच्या आशा पल्लवित झाल्या आहे. लवकरच या संदर्भात प्रस्ताव तयार करून कामाला गती देण्यात येईल अशी माहिती गावाला भेट देणारे प्रधानमंत्री ग्रामसडक योजनेचे कनिष्ठ अभियंता भूषण भामरे, दिवान सूर्यवंशी यांनी दिली आहे.

सहा किमी पायपीट

तळोदा तालुक्यातील कुयरीडाबर व पालाबार या दुर्गम दोन आदिवासी पाड्यांमधील आदिवासींना स्वातंत्र्याच्या अमृत महोत्सवी वर्षातही सध्या कच्चा रस्त्यासाठी झगडावे लागत आहे. केवळ चार किलो मीटरच्या रस्त्याअभावी तब्बल सहा किलो मीटर डोंगर दऱ्यामधून पायपीट करत रापापापूरपर्यंत यावे लागत असते. रस्त्याअभावी आरोग्य, शिक्षण, मूलभूत सुविधांपासून वंचित राहावे लागत आहे. उशिरा का होईना प्रशासन जागे झाले असून, आता सदर गावांना दळणवळणाच्या सोयीसाठी चांगला रस्ता कधी तयार होणार याकडे गावकऱ्यांचे लक्ष लागून आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com