Aurangabad Renaming : औरंगाबादच्या नामांतरावर छगन भुजबळ यांची प्रतिक्रिया; म्हणाले, बाळासाहेबांची इच्छा....'

औरंगाबाद शहराच्या नामकरणावर छगन भुजबळ यांनी आपली प्रतिक्रिया दिली आहे.
Nashik Chhagan Bhujbal
Nashik Chhagan BhujbalSaam Tv

Nashik Chhagan Bhujbal : केंद्र सरकारने औरंगाबाद आणि उस्मानाबाद नामांतराला शुक्रवारी (२४ फेब्रुवारी) मंजुरी दिली. त्यामुळे लवकरच औरंगाबादचं नाव आता छत्रपती संभाजीनगर, तर उस्मानाबादचं नाव धाराशिव ठेवलं जाणार आहे. केंद्र सरकारच्या निर्णयाचं सर्वच राजकीय स्तरातून कौतुक केलं जात आहे. औरंगाबाद शहराच्या नामकरणावर छगन भुजबळ यांनी आपली प्रतिक्रिया दिली आहे.

Nashik Chhagan Bhujbal
Aurangabad Renaming : एकनाथ शिंदे यांचा रिमोट फडणवीसांकडे...; नामांतरावरून इम्तियाज जलील यांचा आंदोलनाचा इशारा

छगन भुजबळ (Chhagan Bhujbal) यांनी नाशिकमध्ये प्रसारमाध्यमांशी संवाद साधला. त्यावेळी त्यांनी छत्रपती औरंगाबाद (Aurangabad) आणि उस्मानाबाद (Osmanabad) नामांतरावर भाष्य केलं. स्वर्गीय बाळासाहेब ठाकरे यांनी अनेक वर्षापासून मागणी होती ती आता पूर्ण झाली आहे. ते आपल्या वर्तमानपत्रातून आणि भाषणातून सुद्धा औरंगाबादला संभाजीनगर असे म्हणायचे आणि उस्मानाबादला ते धाराशिव म्हणायचे असे भुजबळ म्हणाले.

"ज्यावेळी महाविकास होती त्या वेळी मंत्रिमंडळानेसुद्धा उद्धव ठाकरे यांच्या नेतृत्वाखाली हे दोन्ही ठराव मंजूर केले होते. आनंद आहे की बाळासाहेबांची जी इच्छा होती आणि महाराष्ट्राच्या मंत्रिमंडळाची जी मागणी होती ती आता मंजूर करण्यात आली आहे. थोडे दिवस आता जे लोक संभाजीनगर नाव वापरत नव्हते त्यांच्या तोंडात औरंगाबाद वगैरे येत राहील. परंतु हळूहळू सवय होईल. जस बॉम्बेचं मुंबई झालं तस हळूहळू औरंगाबादचं संभाजीनगर आणि उस्मानाबादचं धाराशिव म्हणायची लोकांना सवय होईल, असे देखील छगन भुजबळ म्हणाले.

Nashik Chhagan Bhujbal
Aurangabad Renaming : औरंगाबादच्या नामांतरावर संजय राऊत यांची प्रतिक्रिया; म्हणाले, बाळासाहेबांनी २५ वर्षांपूर्वी...'

दरम्यान, 29 जून 2022 रोजी तत्कालीन मुख्यमंत्री उद्धव ठाकरे यांच्या मंत्रिमंडळाने औरंगाबादचे संभाजीनगर, उस्मानाबादचे धाराशिव करण्याचा निर्णय घेतला होता. मात्र 4 जुलै 2022 रोजी मुख्यमंत्री एकनाथ शिंदे मंत्रिमंडळाने महाविकास आघाडी सरकारने केलेल नामांतराचा ठराव रद्द केला. त्यानंतर 16 जुलै 2022 मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्या मंत्रिमंडळाने औरंगाबाद शहराचे छत्रपती संभाजीनगर या प्रस्तावाला पुन्हा एकदा मंजुरी दिली.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com