Nashik: 'सदावर्ते झाले आता राज ठाकरे आलेत, वाट लावणार सगळ्या महाराष्ट्राची'

भाेंग्याच्या प्रश्नावर महाराष्ट्रात धर्मा धर्मात सध्या तेल घालण्याचे काम सुरु आहे असे नागरिकांना वाटू लागले आहे.
Nashik: 'सदावर्ते झाले आता राज ठाकरे आलेत, वाट लावणार सगळ्या महाराष्ट्राची'
Raj Thackeray Saam Tv

- तबरेज शेख

नाशिक : राज ठाकरे (raj thackeray) हे दाेन समाजात तेढ निर्माण करण्याचे काम करीत आहेत. आमची एकजूट फाेडण्याचे काम त्यांनी बंद करावे असे आवाहन नाशिक येथील हिंदु आणि मुस्लिम समाजातील नागरिकांनी मनसे (mns) प्रमुख राज ठाकरेंना केले आहे. (nashik latest marathi news)

भाेंग्याच्या (loudspeaker) प्रश्नावर महाराष्ट्रात धर्मा धर्मात सध्या तेल घालण्याचे काम सुरु आहे असे नागरिकांना वाटू लागले आहे. आज शहरात हिंदू मुस्लिम एकत्रित नांदत आहेत. एकमेकांना भडकाविण्याचे काम बंद करावे अशी भावना हिंदु धर्मातील नागरिकांनी व्यक्त केली. राज ठाकरे यांनी लाेकांना भडकविणे बंद केले नाही तर शांततेचा भंग हाेईल असेही नागरिकांना वाटत आहे. ग्रामीण भागात काकड आरती, रात्री किर्तन हाेत असते. काेणीही त्यास आक्षेप घेत नाही. मग राज ठाकरेंना काय पडले आहे हेच समजत नाही असेही नागरिकांनी नमूद केले.

Raj Thackeray
Raj Thackeray: सुपारीचं राजकारण महाराष्ट्रात चालणार नाही : संजय राऊत (व्हिडिओ पाहा)

मुस्लिम धर्मातील नागरिक म्हणाले राज ठाकरे हा काही ठाकरे नाहीच. ठाकरे केवळ एकच बाळासाहेबांचे पुत्र उद्धव. आज ते राज्याचा कारभार याेग्य पद्धतीने चालवत आहेत. त्यांचा कारभार राज ठाकरेंना दिसत नाही का असा सवाल करण्यात आला आहे. त्यांनी दाेन समाजात तेढ निर्माण करण्याचे काम बंद करावे असेही नमूद केले. दरम्यान जेव्हापासून पहाटेचे सरकार पडले त्यावेळी पासून काही लाेकांच्या झाेपा उडाल्या. त्यामुळे सुपारीबाज राजकारण करण्यास प्रारंभ केला आहे. महाराष्ट्राची आणि एसटी महामंडळाची वाट लावणारे सदावर्ते गेले आणि राज ठाकरे आले असे म्हणावे लागेल असेही काही मुस्लिम समाजातील नागरिकांनी नमूद केले.

Edited By : Siddharth Latkar

Raj Thackeray
Hingoli: अजान देताना भाेंग्याचा आवाज कमी ठेवण्यात आला; 'मनसे' ची आज महाआरती
Raj Thackeray
Satara: सेकंड इनिंग, बेत, मला हिरो व्हायचंयने जिंकली रसिकांची मने

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.