धक्कादायक! निर्घृणपणे गळा चिरून परप्रांतीयाची हत्या; हल्लेखाेर पसार

अंबडच्या संजीवनगरात घडली घटना
Crime News
Crime NewsSaam tv

तबरेज शेख

नाशिक - अंबड (Ambad) येथील संजीव नगर परिसरात मेळ्याच्या ठिकाणी चार जणांनी एका परप्रांतीयाचा गळा चिरुन हत्या केल्याची घटना रात्री घडली. दरम्यान, वेळीच उपचार न मिळाल्याने अतिरक्तस्त्राव हाेऊन मृत्यू झाला. गळ्यातून रक्ताच्या चिळकांड्या उडत असताना उपस्थित नागरिक त्याच्या मदतीसाठी पुढे आले नाही. ताे एकटाच विव्हळत हाेता. त्यानंतर काही वेळाने त्याला जिल्हा रुग्णालयात (Hospital) दाखल करण्यात आला मात्र त्याची प्रकृती चिंताजनक असल्याने त्याला उपचारासाठी खाजगी रुग्णालयात पोलिसांनी दाखल केले. मात्र, उपचारादरम्यान त्याचा मृत्यू झाला. सदरे आलम शब्बीर शेखअसे मृत तरुणाचे नाव आहे.

हे देखील पाहा -

अंबड लिंक रोडवरील संजीव नगर मधील मेळाव्यात ही घटना घडली आहे. या घटनेतील अनोळखी टोळके पसार झाले असून याप्रकरणी अंबड पोलीस ठाण्यात गुन्हा दाखल करण्यात आला आहे. संजीव नगर येथील राहणारा सदरे आलम या तरुणावर चार ते पाच संशयितांनी हल्ला करत त्याचा गळा चिरुन जीवे ठार मारण्याचा प्रयत्न केला. ताे काही काळ एकटाच येथे विव्हळत हाेता. काही नागरीकांनी त्याला रुग्णालयात जाण्याचा सल्ला दिला. तर काहींनी पाेलिसांना कळवले.

Crime News
मुसळधार पावसामुळे वरंधा घाटातील रस्ता खचला; एकेरी वाहतूक सुरु

यानंतर गंभीर जखमी अवस्थेत जिल्हा रुग्णालयात दाखल केले. दरम्यान, त्याचा गळ्यातील कंठच चिरल्याने त्याला बाेलता येणे कठीण झाले हाेते. बोलता येत नसल्याने संशयितांचे नाव निष्पन्न करण्यास पोलिसांना अडचन आली. मात्र, रुग्णालयात उपचार सुरु असताना रात्री त्याचा मृत्यू झाला. दरम्यान, हल्लेखाेर पसार असून त्यांचा शाेध पोलिसांकडून घेतला जात आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com