तबरेज शेख
नाशिक : नाशिक शहरात गेल्या काही महिन्यांपासून गुन्हेगारीने डोकं वर काढले आहे. यात आज खुनाच्या घटनेने (Nashik) नाशिक शहर पुन्हा हादरले असून भररस्त्यात इसमावर (Crime News) चाकूने वार करत हत्या केल्याचा प्रकार समोर आला आहे. (Latest Marathi News)
नाशिकरोड परिसरातील जेलरोड दुर्गा मंदिरासमोर एकाचा विळ्याने आणि काचेने वार करत हत्या करण्यात आली आहे. प्रवीण मधुकर दिवेकर (वय ४३, रा. हेतल हाउसिंग सोसायटी, नाशिक) हे पूर्वी मुंबई येथे राहत होते. कौटुंबिक वादामुळे १५ ते २० दिवसांपूर्वी जेलरोड येथे एकटेच राहत होते. गेल्या चार महिन्यांपूर्वी त्यांचा मुलाने याच कारणाने मुंबई येथे गळफास घेऊन आत्महत्या केल्याचे नातेवाईकांकडून समजते.
भेटायला आलेल्या आई– वडीलांना बसला धक्का
प्रवीण दिवेकर यांनी जेवल्यानंतर फोनद्वारे नातेवाईकांना संपर्क साधून खुशाली देखील विचारली होती. सकाळी मुंबईहून आई- वडील नाशिकला खरेदीसाठी आल्यावर मुलाला भेटण्यासाठी मुलाकडे घरी आले. तेव्हा प्रवीण दिवेकर हे जमिनीवर रक्तभंबाळ अवस्थेत पडलेले आढळून आले. घटनेची माहिती मिळताच उपायुक्त चंद्रकांत खांडवी, सहाय्यक पोलीस आयुक्त अंबादास भुसारे, उपनगर पोलीस ठाण्याचे वरिष्ठ पोलीस निरीक्षक अशोक शरमाळे तसेच गुन्हे शाखेच्या कर्मचाऱ्यांनी घटनास्थळी भेट देऊन अधिक चौकशी केली.
खूनामागील कारण अद्याप अस्पष्ट
भररस्त्यात झालेल्या या घटनेने नाशिक शहर हादरले आहे. दिवेकर यांच्यावर हल्ला करणारे तेथून फरार झाले असून खूनामागील कारण अद्याप अस्पष्ट आहे. पोलिसांनी (Police) पंचनामा केला असून उपनगर पोलिसांकडून अधिक तपास सुरू आहे. परिसरातील सीसीटीव्ही कॅमेराच्या आधारे अज्ञात मारेकरींचा शोध सुरू आहे. अशी माहिती उपायुक्त चंद्रकांत खांडवी यांनी दिली
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.