नाशकात मुसळधार, गोदापत्रातून गायीसह दाेन घाेड्यांचा आपत्ती व्यवस्थापनानं जीव वाचविला

- तबरेज शेख

Nashik Rain Update : नाशिक येथे बुधवार रात्रीपासून आज (गुरुवार) पहाटे पर्यंत मुसळधार पाऊस (rain) झाला. या पावसामुळं गोदावरीच्या पाणी पातळीत मोठ्या प्रमाणात वाढ झाली. दरम्यान पूराच्या पाण्यात वाहून गेलेली एक गाय आणि दाेन घाेड्यांना वाचविण्यात आपत्ती व्यवस्थापन विभागास यश आलं आहे.

धरण क्षेत्रात मोठ्या प्रमाणात पाऊस झाल्याने गोदावरी धरणातून सकाळी दहा वाजेला चार हजार क्यूसेक इतका पाण्याचा विसर्ग गोदावरी नदीत करण्यात आला. त्यामुळे गोदाकाठी असलेले मंदिरे पाण्याखाली गेले हाेते. गोदाकाठी असलेले नागरिकांना प्रशासनाकडून सतर्कच्या इशारा देण्यात आला हाेता. दरम्यान आज दुपारी तीन वाजता सहा हजार क्यूसेक पाण्याचा विसर्ग वाढवण्यात येणार आहे.

नाशिक येथे 66 मिलिमीटर इतकी पावसाची नोंद करण्यात आली आहे. पावसामुळं परिसरातील नदी नाले भरुन वाहू लागले आहेत. गंगापूर धरण हे देखील नव्वद टक्के भरले आहे. त्यामुळे गोदावरी नदीला पूर सदृश परिस्थिती निर्माण झाली आहे. दरम्यान नाशिकच्या गोदापात्रात अचानक वाढलेल्या पाण्यामुळे एक गाय आणि दोन घोडे गेले हाेते.

ही गाय आणि दोन घोडे सायखेडा गोदापत्राच्या काठी पाण्यामध्ये बुडताना किसन जाधव यांना दिसले. त्यांनी आपत्ती व्यवस्थापनचे प्रमुख सागर गडाख यांना फोनद्वारे कळवले. त्यांनी तात्काळ विलास सूर्यवंशी, फकीरा धुळे, बाळू आंबेकर, किरण वाघ, कृष्णा धोंडगे, अजय चारुस्कर, वैभव जमदाडे आदी पथकासह घटनास्थळी धाव घेतली.

दरम्यान पथकानं बोट नदी पात्रात घेऊन जाऊन गोमातेला बोटेच्या साह्याने बाहेर काढलं. तसेच त्या घोड्यांना देखील बोटीत टाकून बाहेर काढले. आपत्ती व्यवस्थापनाच्या अथक परिश्रमामुळे पाण्याच्या बाहेर दाेन्ही प्राण्यांना काढल्याने त्यांचे प्राण वाचले.

Edited By : Siddharth Latkar