Nashik Helmet Drive: नाशकात हेल्मेटसक्तीची कडक अंमलबजावणी, पहिल्यांदा 500 रुपये दंड, दुसऱ्यांदा थेट लायसन्स रद्द

नाशिक : नाशिककरांसाठी एक महत्त्वाची बातमी आहे. आजपासून नाशिक शहरात हेल्मेटसक्तीची कडक अंमलबजावणी करण्यात येणार आहे. आजपासून नाशकात विना हेल्मेट दुचाकी चालकाला प्रथम 500 रुपये दंड ठोठावण्यात येईल. तर दुसऱ्यावेळी थेट लायसन्स रद्द होणार आहे (Nashik Helmet Drive Rs 500 Fine To Without Helmet Two Wheeler Riders).

गेल्या 15 ऑगस्टपासून नाशिक (Nashik) शहरात हेल्मेटसक्तीची मोहीम (Helmet Drive) सुरु आहे. पहिल्या टप्प्यात नो हेल्मेट, नो पेट्रोल (No Helmet No Petrol), दुसऱ्या टप्प्यात विनाहेल्मेट दुचाकी (Bike) चालकांचं समुपदेशन आणि परीक्षा, तर तिसऱ्या टप्प्यात नो हेल्मेट, नो एन्ट्री मोहिमेनंतर आता थेट दंडात्मक कारवाई करण्यात येणार आहे.

आजपासून हेल्मेट (Helmet) सक्तीच्या दंडात्मक कारवाईला सुरुवात झाली आहे. पहिल्या वेळी नियम मोडल्यास 500 रुपये दंड, तर दुसऱ्यावेळी 1 हजार रुपये दंडासह 3 महिन्यांसाठी लायसन्स रद्द होणार आहे.

Edited By - Nupur Uppal