नाशिकमध्ये महाविकास आघाडीत बिघाडी

कांदे - भुजबळ वादानंतर आता देवळाली विधानसभा मतदारसंघाचे सेनेचे माजी आमदार योगेश घोलप आणि राष्ट्रवादीच्या विद्यमान आमदार सरोज अहिरे यांच्या विकासकामांच्या श्रेयवादावरून जुंपली आहे.
नाशिकमध्ये महाविकास आघाडीत बिघाडी
नाशिकमध्ये महाविकास आघाडीत बिघाडीSaam tv

नाशक - महाविकास आघाडीच्या घटक पक्षामधील नेत्यांमध्ये पुन्हा एकदा जुंपली आहे. कांदे - भुजबळ वादानंतर आता देवळाली विधानसभा मतदारसंघाचे सेनेचे माजी आमदार योगेश घोलप Yogesh Gholap आणि राष्ट्रवादीच्या विद्यमान आमदार सरोज अहिरे Saroj Ahire यांच्या विकासकामांच्या श्रेयवादावरून जुंपली आहे. मी आमदार असलेल्या कार्यकाळात मंजूर करून आणलेल्या विकासकामांचं श्रेय विद्यमान आमदार सरोज अहिरे घेत असून मतदारसंघातील नागरिकांची दिशाभूल करत असल्याचा आरोप माजी आमदार योगेश घोलप यांनी केला आहे.

हे देखील पहा-

यापुढे मी मंजूर करून आणलेल्या कामांचं श्रेय घेण्याचा प्रयत्न अहिरे यांनी घेण्याचा केल्यास त्याचा उद्घाटन कार्यक्रम शिवसेना स्टाईलने उधळून लावण्याचा इशाराही त्यांनी दिला आहे. तर राष्ट्रवादीच्या आमदार सरोज अहिरे यांनी मात्र सर्व आरोप फेटाळत उद्घाटन केलेली कामं माझ्याच कार्यकाळात मंजूर झाल्याचे सांगत मी ही हातात बांगड्या भरलेल्या नाहीत, असे प्रत्युत्तर दिले आहे. त्यामुळे सध्या या दोन्ही आजी-माजी आमदारांमध्ये जोरदार आरोप-प्रत्यारोपाच्या फैरी झडत असून महाविकास आघाडीमधील नेत्यांचे अंतर्गत वाद पुन्हा चव्हाट्यावर आले आहेत.

Edited By - Shivani Tichkule

Related Stories

No stories found.