Nashik News: कुटूंब शोधायला गेले तर आढळली मृतावस्‍थेत; कुत्र्यांच्या हल्ल्यात चिमुकलीचा मृत्यू

अजय सोनवणे

मनमाड (नाशिक) : नाशिकच्या चांदवड तालुक्यातील निमोण येथील पाच वर्षांच्या बालिकेचा कुत्र्यांच्या हल्ल्यात (Dog Attack) दुर्दैवी मृत्यू झाला आहे. शेजल सोमनाथ जाधव (वय ५) असे तिचे नाव आहे. (Tajya Batmya)

शेजल जाधव ही सकाळी घराजवळील शेतात शौचास गेली होती. या दरम्‍यान भटक्या कुत्र्यांनी तिच्‍यावर हल्‍ला करत लचके तोडले. कुत्र्यांच्‍या हल्ल्यात ती जखमी होऊन तिचा मृत्यू झाला. मुलगी येईना म्हणून पहायला गेलेल्या कुटुंबाला ती मृत अवस्थेत आढळली.

वन विभागाच्‍या पथकाकडून माग

कुठल्या तरी हिंस्र प्राण्याच्या हल्ल्यात तिचा मृत्यू झाल्याची वार्ता सर्वत्र पसरल्याने वनविभागाचे पथक घटनास्थळी पोहचले. त्यांनी तापसकार्य सुरू केले. मात्र कुठलाही माग मिळू शकला नाही. तपासाअंती कुत्र्यांच्या हल्ल्यात मुलीचा मृत्यू झाल्याचे समोर आले.