Nashik: घरफोडीच्या गुन्ह्यात तीन आरोपींना अटक; 25 गुन्ह्यांपैकी14 गुन्हे उघडकीस

या गुन्ह्यांत त्यांच्याकडून 28 ताेळे साेने, वाहने, लॅपटाॅप व इतर साहित्य असा 20 लाखांचा मुद्देमाल हस्तगत केला आहे.
Nashik: घरफोडीच्या गुन्ह्यात तीन आरोपींना अटक; 25 गुन्ह्यांपैकी14 गुन्हे उघडकीस
Nashik Crime News, Nashik Latest Marathi NewsSaam Tv

तबरेज  शेख

नाशिक - मूर्ती लहान पण, किर्ती महान या म्हणीचा प्रत्यय नाशिकमध्ये आला आहे. अंबड पाेलिसांनी (Police) अटक केलेल्या तीनपैकी एका चोरट्याचे वय पाहता त्याच्यावर वयापेक्षा जास्त गुन्हे दाखल असल्याचे समाेर आले आहे. दरम्यान, तिघेही सराईत गुन्हेगार असून त्यांच्यावर दाखल 25 गुन्ह्यांपैकी अंबड व सातपूर (Satpur) येथील 14 गुन्हे उघडकीस आले आहेत. (Nashik Latest Marathi News)

नाशिकच्या अंबड पोलिसांनी घरफोडीच्या गुन्ह्यात असलेल्या तिन्ही आरोपींना अटक केली असून सातपूर आणि अंबड पोलीस ठाण्याच्या हद्दीत चौदा घरफोड्यांचे गुन्हे केल्याची कबुली दिली आहे.

हे देखील पाहा -

या गुन्ह्यांत त्यांच्याकडून 28 ताेळे साेने, वाहने, लॅपटाॅप व इतर साहित्य असा 20 लाखांचा मुद्देमाल हस्तगत केला आहे. अभिषेक विश्वकर्मा, करण कडुस्कर आणि ऋषिकेश राजगिरेअसे अटकेतील आरोपींची गुन्हेगारांची नावे आहेत. विशेष म्हणजे मुख्य सूत्रधार अभिषेकवर 19 गुन्हे तर करणवर 21 आणि ऋषिकेशवर 24 गुन्हे दाखल आहेत. अटकेतील आरोपींनी सन 2020 व 21 मध्ये उस्मानाबाद, बेंबळी, गंगाखेड व लासलगाव येथे घरफाेडी व चाेरीचे गुन्हे केले असून 25 पैकी 11 गुन्ह्यांत पोलीस या तिघांचा शोध घेत होते.

2017 पासून हे तिघेही अंबड परिसरातील चुंचाळे येथे वास्तव्यास हाेते. उस्मानाबाद, परभणी येथील गंभीर गुन्ह्यात 3 वर्षापासून फरार असताना शहरात वास्तव्य करुन अंबडला 14 घरफोडी, चोरी, लूट आणि खुनाच्या गुन्ह्यात सहभागी असल्याचे तपासात निष्पन्न झाले आहे. दरम्यान, या तिघांच्या व्यतिरिक्त त्यांच्या सहा साथीदारांची नावे निष्पन्न झाली असून त्यांना अटक करण्यासाठी पथक काम करत आहे.

Nashik Crime News, Nashik Latest Marathi News
स्पर्धा परिक्षेची ओळख व्हावी यासाठी विद्यार्थ्यांना दिले मोफत धडे; आमचीशाळा तरुणांचा अभिनव ऊपक्रम

हे तिघेही अंबड हद्दीत बंद घरांची रेकी करून घरफोडी करत होते. अंबड पाेलिस एका घरफाेडीचा तपास करत असताना त्यांनी सीसीटीव्ही फूटेजनुसार एकाची आेळख पटली. पाेलिसांनी यात टेक्निकल आधारावर जादा भर न देता खबऱ्यांचे जाळे पसरविले. त्यानुसार त्यांच्यामार्फतीने या तिघांच्या गुन्ह्यांचा भांडाफाेड झाला. त्यात करणला चुंचाळेतून, अभिषेकला पुण्यातून तर ऋषिकेशला पेठमधून अटक करण्यात आली.

अंबड, गंगाखेड, उस्मानाबाद शहर, बेंबळी व इंदिरानगर व अन्य पाेलिस ठाण्यात दाखल असलेल्या 11 गुन्ह्यांत हे संशयित वाॅन्टेड आहेत. तीन वर्षांपासून ते पाेलिसांनी हवे हाेते. त्यांच्यावर खुनासह चेनस्नॅचिंग, प्राणघातक हल्ला, लुटमार, दराेडा चाेरी, घरफाेडीचे गुन्हे दाखल आहेत.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com