Nashik News : माजी मंत्री तथा राष्ट्रवादी काँग्रेस पक्षाचे नेते जितेंद्र आव्हाड (jitendra awhad यांच्या विरोधात नाशिक मधील सिंधी समाजाने (nashik sindhi samaj) आक्रमक भूमिका घेतली आहे. नाशिकच्या शालीमार चौक येथून जिल्हाधिकारी कार्यालयापर्यंत निषेध मोर्चा काढला जात आहे. (Maharashtra News)
माजी गृहनिर्माण मंत्री जितेंद्र आव्हाड (jitendra awhad) यांनी उल्हासनगर शहरातील आयोजित एका कार्यक्रमात सिंधी समाजाबद्दल (sindhi community) आक्षेपार्ह वक्तव्य केल्याचा ठपका त्यांच्यावर ठेवला जात आहे. या वक्तव्यामुळे सिंधी समाजाचा अपमान झाल्याची भावना समाजाने व्यक्त करीत आव्हाड यांचा राज्यभरातून निषेध नाेंदविला जात आहे. काेल्हापूर येथे सिंधी समाजाने काही दिवसांपुर्वी आव्हाडांच्या व्यक्तव्याचा निषेध नाेंदवत माेर्चा काढला हाेता.
आज (साेमवार) नाशिक येथील शालीमार चौक येथून जिल्हाधिकारी कार्यालयापर्यंत निषेध मोर्चा काढला. जितेंद्र आव्हाड यांनी केलेल्या आक्षेपार्ह विधान केल्याप्रकरणी पोलिसांनी गुन्हा दाखल करुन कठोर कारवाई करण्याची मागणी यावेळी करण्यात आली.
राज्यभर जितेंद्र आव्हाड यांच्या विरोधात निषेध नोंदविला जात असून नाशिकमध्ये निषेध मोर्चा काढण्यात आला. झुलेलाल बेडा पार अशा आशय असलेल्या टोप्या घालून दंडाला काळ्या फिती लावत दुकानं बंद ठेवत हा निषेध नोंदवला गेला. ज्या सिंधी समाजाच्या बांधवांची दुकाने आहेत त्यांनी आज बंद ठेवली आहेत.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.